الأمومةالسعادة وراحة البالالمرأة العاملة

5 خطوات لتنظيم يومك بنجاح فى زمن الكورونا

 

5 خطوات لتنظيم يومك بنجاح فى زمن الكورونا

لما كنا بروح الشغل و الأولاد بيروحوا المدرسة والتمرين كان فيه تنظيم تلقائي للوقت بيساعدك علي ترتيب اولوياتك والتخطيط لإنجاز مهامك.

دلوقتي التواجد في البيت أصبح هو الأولوية للحفاظ علي نفسنا وأهلنا وأولادنا من عدوى فيروس الكورونا وبالنسبة للبعض دى فرصة لإعادة ترتيب الأولويات والحياة والبيت والعلاقات وكل الحاجات اللى كانت متأجلة بسبب انشغالنا وسرعة حياتنا.

وعلشان تحققى أفضل استفادة من اليوم بشكله الجديد جربى الخطوات دى:

1-الصبح حافظي علي الروتين الصباحي واللى هيساعد علي التهيئة النفسية للجميع بأن اليوم بدأ وإنه وقت الاستعداد لانجاز مهام جديدة.

 

2-اجتمعوا مع بعض كعيلة علي الأقل مرتين في اليوم حوالين أى نشاط فممكن مثلا يكون حوالين الوجبات سواء تحضيرها أو مشاركتها، أو مشاهدة برنامج أو فيلم  أو التواصل مع الجدود علي وسائل التكنولوجيا المختلفة، أو الألعاب الجماعية زى (الكوتشينة، مونوبولي، اونو، السلم والثعبان…..) .

 

3-احرصى دايما على إدارة حوار عائلي بحيث يتم تخطيط لليوم مع بعض والاتفاق على المسئوليات المنتظرة من كل شخص.

 

4-خلال اليوم تابعي أحوال ومشاعر كل فرد واعرضي استعدادك للمساعدة (حسب قدراتك) وشجعيهم علي أى حاجة أنجزوها سواء شغل أو مذاكرة أو غيره.

 

5-اتأكدي من المواظبة علي المشروبات والأكل الصحي للجميع والنوم الجيد للحفاظ علي مناعة الجسم.

 

اقرأ أيضا: أسهل طريقة للتعامل مع التوتر فى زمن الكورونا

Facebook Comments

آيه سرحان

ايه مستشارة علم نفس مجتمعي متخصصة في تقييم الاحتياجات و تنمية الكفاءات باستخدام أسس علمية و خبرة أكثر من ٢٠ عاما في مجال التعليم و التدريب و الارشاد النفسي  بهدف تقليل الخلافات داخل المؤسسات و تطوير العلاقات الأسرية و الصحة النفسية للاهل و المراهقين.

  حصلت ايه على درجتي البكالوريوس و الماجستير من الجامعة الامريكية بالقاهرة و هى عضو بالمنظمة البريطانية لعلم النفس و منظمة الابحاث التطبيقية  المجتمعية بالولايات المتحدة الأمريكية و المؤسسة البريطانية لتنمية الافراد. كما أنها مدرب معتمد لبرامج الفاعلية و الممثل المعتمد لمؤسسة جوردن العالمية ، و مرشد معتمد من جامعة كامبردج بانجلترا. شاركت ايه في تاسيس جمعية أصدقاء الام و الطفل و هى عضو مجلس إدارة بها و بمؤسسة شبكة خبراء الأسرة إلى جانب تطوعها لاستشارة عدد من الجمعيات الأهلية.

 

زر الذهاب إلى الأعلى
إغلاق
إغلاق