الحملفترة الحمل

هل يمكننى السفر بالطائرة وأنا حامل؟

 

هل يمكننى السفر بالطائرة وأنا حامل؟

أمهات كتير بتسأل ينفع أسافر بالطيارة وأنا حامل ؟؟

اعرفي إن السفر عامةً آمن أثناء الحمل ومعظم خطوط الطيران بتسمح للحامل بالسفر قبل الأسبوع(٣٦-٣٨)
للحمل في حالة إن كل حاجة كويسة وحملك سليم.
-لو كنتي حامل في توأم أو عندك مشاكل في الحمل تقدري تسافري قبل الأسبوع ال ٣٢ المشكلة الوحيدة في السفر أثناء الحمل لو كانت الرحلة طويلة ولازم تفضلي قاعدة لساعات طويلة بدون حركة في الحالة دي السفر بيكون مقلق للحامل بسبب قلة الحركة

إيه الحالات اللي ممكن يكون فيها السفر محتاج احتياطات خاصة؟
زيادة وزن الحامل
الحمل في توأم
خلال أول ٦ اسابيع بعد الولادة
في حال حدوث نزيف بعد الولادة
لا قدر الله وجود تاريخ حدوث جلطة

علشان كده بننصح الأمهات الحلوين المسافرين يراعوا شوية حاجات أثناء السفر✈

لو كان متاح ليكي احجزي درجة لأولى علشان تكوني مرتاحة في مكانك والكرسي واسع وبلاش تحجزي جنب الشباك
البسي ملابس مريحة فضفاضة خصوصاً في الرحلات الطويلة
قومي واتحركي كتير في الطيارة أثناء الرحلة واعملي شوية تمارين لرجليكي وانتي قاعدة
اشربي ميه كتير
بلاش النوم لفترة طويلة
لو انتي عندك أي أسباب من اللي اتكلمنا عنها ومحتاجة رعاية خاصة استشيري طبيبك وخدي حقن منع التجلط لمدة ٢-٣ أيام بس ابدأيها قبل ٦-١٢ ساعة قبل السفر

Facebook Comments

هناء أبو القاسم

استشارى النساء والتوليد – مركز الأسكندرية الإقليمى لصحة وتنمية المرأة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق