تغذية الأسرةرمضان هذا العام

هنعمل إيه فى موضوع الكحك

 

 

هنعمل إيه فى موضوع الكحك

عيد سعيد عليكم جميعا
هل علينا العيد وريحة الكحك مالية الشوارع والمخابز والمحلات
وبيبقى دايما السؤال!
هنعمل إيه فى موضوع كحك العيد ده
ده بيقولك الكحكاية الواحدة بمقام كام رغيف عيش من حيث السعرات!!
ونبقى فى اختبار الكحك
وفى الآخر الطقس يكسب

أيوه
العيد الصغير لِيه طقوس عندنا كمصريين
كحك وبيتي فور والعيدية ولَبْس العيد
وأغاني العيد ومسرحيات زمان
عارفين إن ده حنين للماضي الجميل
كام بيت في مصر لِسَّه بيعجن الكحك وسط لمة الأمهات والأطفال
كل واحد في إيده كحكاية بينقشها
ونتوارث العادات
من جيل للتاني
وكام حد فينا مرتبط بمكان معين بيجيب منه كحك العيد
سنة ورا سنة

اشتياقنا للكحك وارتباط كل واحد فينا بطعم كحك معين ده بيعكس ارتباطنا بذكريات زمان
أيام بيت العيلة
الجد والجدة
وكل عيلة ليها طقوسها الخاصة

هناكل كحك من غير تأنيب ضمير
ومش هنحرم نفسنا من الحنين والذكريات الحلوة
المهم قبل ما ناكل
ناخد الأول وجبة فيها قيمة غذائية مقبولة
سواء فول أو بيض أو خضار أو حتى سموثي
ده علشان نقلل المساحة الفاضية فى معدتنا
ونشبع
بحيث نضمن إننا هنكون واعيين لنفسنا وإحنا بناكل الكحك
بناكل على شبع مش جوع
جسمنا دخله غذاء

وبعد الأكل
نشرب جنزبيل أو شاي أخضر علشان نحرق ونظبط جسمنا
وما ننساش نشرب ميه كفايه قبل الأكل وبعده وخلال النهار

عيدوا واتبسطوا
وخليكم واعيين باختياراتكم

Facebook Comments

هبة أنور

هبة أنور أم لثلاثة أبناء، درست تغذية وكوتشنج فى Institute for Integrative Nutrition. تأكدت هبه من خلال دراستها أن للأكل تأثير مباشر على السلوك والانفعالات وحتى التقدم الدراسي للأولاد ولذلك أسست مشروع Smart Food by Heba Anwar بهدف توعية السيدات والأمهات بأهمية التغذية الصحية وفهم طبيعة أجسامنا وماهية الأطعمة الغير مناسبة لنا وكيفية استبدالها بأخرى أكثر فائدة.
إغلاق
إغلاق