الحملالرضاعة الطبيعية

هل الرضاعة أثناء الحمل ممكنة؟

 

هل الرضاعة أثناء الحمل ممكنة؟

أنا حامل بس أنا لسه مافطمتش ابني لأنه لسه ماتمش سنتين فهل ينفع أرضع وأنا حامل؟
طبعاً ينفع وممكن ترضعي وانت حامل ومفيش داعي أبدا تفطمي ابنك بدري
بعض الأمهات بتخاف ترضع وهي حامل علشان بتقلق إن الرضاعة تقلل من الغذاء اللي بيوصل للجنين أو إن كمية اللبن تقل علشان الجنين بياخد كل الفوائد الغذائية
لكن دا مش صحيح لأن العظمة اللي ربنا خلقنا بيها تخلينا نقدر نحمل ونرضع في نفس الوقت
كل المطلوب منك إنك تاكلي كويس أوي أكل صحي ومتوازن وتشربي ميه كتير .
وخليكي عارفة شوية حاجات ممكن تلاحظيها لو بترضعي وإنتي حامل ودي حاجات طبيعية جداً مفيش منها أي قلق زى:
?طبيعي إن الثدي والحلمة يكونوا مؤلمين أكتر وانت حامل وبترضعي
? طبيعي إن اللبن يكون كميته أقل شوية

? أمهات كتير بتخاف إن الرضاعة وتحفيز الحلمة ممكن تؤدي للولادة المبكرة لأن تحفيز الحلمة بينشط افراز هرمون الاوكسيتوسين اللي بيزيد انتاج اللبن وبيساعد فى الولادة لكن كمية الهرمون اللي بيتم افرازها أقل من إنها تحفز المخاض لكن ممكن تحسي بشوية انقباضات وده طبيعي جدا .

?المفروض توقفي الرضاعة في حال وجود أي سبب طبي ممكن يسبب ولادة مبكرة وطبيبك نصحك بالراحة التامة.

Facebook Comments

د. هناء محمد أبو القاسم

استشارى النساء والتوليد – مركز الأسكندرية الإقليمى لصحة وتنمية المرأة

تعليق واحد

اترك تعليقاً

لن يتم نشر عنوان بريدك الإلكتروني.

إغلاق
إغلاق