إدارة وتنظيم البيترمضان هذا العام

نصائح رمضانية مطبخية

 

نصائح رمضانية مطبخية

شهر رمضان بتكتر فيه لمة العيلة والعزومات وعادة تحضير فطار رمضان بيكون مجهد لست البيت وخصوصا مع باقي مهام البيت عشان كده النهارده حبينا نقدم بعض النصائح اللي هتوفر عليكي وقت ومجهود في الطبخ.
1- أساس أي طبخة البصل والتوم والصلصة.. تقدري تعملي أكياس منها وتحفظيها بالفريزر والمادة الحافظة ليها هتكون رشة الملح.
2- عمل أكياس لحمة مفرومة معصجة جاهزة على الطبخ.
3- صدور الفراخ البانيه تغسليها وتتبليها وتقسميها على أكياس.
4- خلطة المحشي تقدري تخزنيها وهتوفر عليكي مجهود كبير، بتحطي على النار طماطم مبشورة وبصل مفروم مع ملعقة زيت وكمية خضرة معقولة وتقسميها على أكياس ولما تحبى تعملى محشي يادوب هتطلع كيس من الفريزر وتضيفه على الرز.

(يفضل عدم تتبيلها في مرحلة التحضير ولكن تضاف البهارات عند الحشو)
5- أكياس الخضار طبعا هتسعفك جدا لما تخزنيها سواء بسلة أو جزر أو فاصوليا خضرا أو ورق عنب.
6- عصاير رمضان الشهيرة ممكن تتحط فى أكياس وتتشال فى الفريزر.

7- تنضيف أدراج المطبخ بالماء والخل وعمل جرد لدولاب التوابل للتخلص من التالف وتنضيف البرطمانات.

وكل سنة وأنتم طيبين وبخير.

Facebook Comments

إيمان عبد الرحمن

Eman Abdel Rahman is an Egyptian wife and mother. Eman is a cup cakes/cakes supplier and a part time host of several TV shows.

اترك تعليقاً

لن يتم نشر عنوان بريدك الإلكتروني.

إغلاق
إغلاق