وجبات خفيفة، أطباق جانبية وسلاطاتوصفات لذيذة

مافن البيض بالخضار

 

مافن البيض بالخضار

مافن البيض بالخضار

المقادير: (طلعت خمسة مافن)
•3 بيضات
• فلفل رومى مقطع مكعبات صغيرة
• بقدونس مفروم (الورق بس من غير جزء العروق)
• كرات مفروم أو عروق البصل الأخضر
• طماطم مكعبات صغيرة من غير القلب والبذر
• معلقة جبنة مبشورة أى نوع تحبوه (أنا كان عندى شيدر قليلة الدسم بالأعشاب حطيتها)
• ملح – فلفل
• معلقة صغيرة بيكنج باودر

الطريقة:
• نسخن الفرن على 200 سيلزيوس
• نقطع كل الخضار مع بعض فى بولة
• فى بولة تانية نضرب البيض بالشوكة مع الملح والفلفل
• نقلبهم مع بعض وبعدين نضيف البيكنج باودر فى الآخر
• على طول نصبهم فى قوالب الكب كيك وهو ع الفرن نسيبهم حوالى 20 دقيقة… ممكن تحتاجوا تحطوا الأول ورق الكب كيك لو القوالب بتاعتكوا بتلزق…

كمان ممكن تغيروا فى المكونات حسب زوقكوا… أنا أوقات كمان بضيف زيتون أسود… بس ساعتها مش بحط جبنة عشان مايبقاش زيادة فى السعرات.. ممكن كمان تحطوا أى أعشاب تحبوها… زعتر.. أوريجانو.. روزمارى.. أنا ماحطيتش عشان الجبنة كان فيها..

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

زر الذهاب إلى الأعلى