تغذية الأسرةتغذية طفلك

ليه بلاش العيش الحاف؟

 

child eating plain bread

ليه بلاش العيش الحاف؟

 

العيش ومنتجات الدقيق بشكل عام من الكاربوهيدريت البسيطة، يعني أول ما بتدخل الجسم، بتتهضم بسرعة جدا وتتحول لسكر.

السكر اللى جاى من الكاربوهيدريتالبسيطة بيعلي نسبة السكر في الدم بشكل يفوق المعدلات الطبيعية، وبعد وقت قليل أوي تنزلنسبة السكر في الدم بصورة مفاجئة.

وتعمل جوع ونرفزة وقريفة وكسل وعدم تركيز، و كل ده بيأثر على النمو الصحي لجسم الطفل!

طب ما احنا اتربينا على كده!؟
صح!
كام منا صحته ١٠٠٪‏؟

نسبة السمنة وأمراض القلب والسكر زادت بسبب أكل الكاربوهيدريت البسيطة والاعتماد عليها كمصدر أساسي للغذاء.

الهرم الغذائي الكلاسيكي.. اللى قاعدته الكاربوهيدريت من الرز والمكرونة والعيش ده حصله تطوير عالميا
بعد ملاحظة زيادة نسبة الأمراض المزمنة وزيادة نسبة السمنة والسكر في المراهقين.

وآخر تطوير للهرم ده كان في ٢٠١١ وأصبح طبق متوازن من الخضار والفاكهة والبروتين والحبوب.

يعني اكلنا للعيش الحاف واحنا صغيرين سبب في مشاكلنا الصحية اللى بنعاني منها واحنا كبار.

غير إن الدقيق الأبيض أو حتى البني مفيهوش غذاء للطفل
يعني بياكل بس كاربوهيدرات بسيطة.. نسبة كالوري عالية.. وغذاء؟؟

بيسد نفسه عن الأكل المفيد وبتصبح عادة من العادات السيئة في نظامه الغذائى.

 

طب الحل أيه؟
الحل إننا نركز على الأكلات ذات القيمة الغذائية العالية.
ودايما نوفر سناك صحي من فاكهة أوخضروات ذات ألوان مختلفة في متناول إيد الطفل.

ومش لازم يأكل عيش مع كل الوجبات

فيه بدائل كتير من الحبوب الكاملة كمصدر الكاربوهيدريت والطاقة.. بجانب الفاكهة والخضار.

عندنا البليلة والفريك والرز البني
العدس والفول والحمص
أنواع الحبوب والبقول المختلفة

وخلي دائماً في بالنا إن نمو الطفل وجهاز مناعته نتاج الأكل اللى بنوفرهوله

خليهم يكبروا بصحة ويهتموا بنشاطهم وذكائهم.

Facebook Comments

هبه أنور

هبة أنور ، أم لثلاثة أطفال ، هي مدربة صحية شاملة درست التغذية والتدريب في معهد التغذية التكاملية. وهي مؤسسة Smart Food بقلم هبة أنور . تهدف إلى رفع مستوى الوعي حول تأثير الغذاء على الصحة والرفاهية العامة لجميع البشر من خلال خلق ثقافة إيجاد البدائل. وتتمثل رغبتها في تمكين كل أم بالأدوات والمعرفة اللازمة لتقديم خيارات طعام أفضل لأطفالها. تقدم هبة دورات توعية وبرامج تدريب تحولية للنساء لمساعدتهن على الوصول إلى أفضل ما لديهن ، وفهم أجسادهن وتحديد الأطعمة التي تناسبهن بشكل أفضل.

زر الذهاب إلى الأعلى