التربيةالحياة الأسرية

كيف نعلم أولادنا التصرفات اللائقه

 

?????????????????????????????????????????????????????????????????????????????????????????????????????????????????????

كيف نعلم أولادنا التصرفات اللائقه

مهم قوى نعلم أولادنا التصرفات اللائقه. إزاى يسمعوا، إزاى يتكلموا، ازاى يستأذنوا، ازاى يتكلموا بأدب، وازاى يلتزموا بالقواعد والقوانين… نعلمهم حتى ازاى يعترضوا وازاى يدافعوا عن حقهم. الوقاحه وقلة الذوق، ممكن تضيع فرص، وتخسرنا ناس. والذوق واللياقه مش مجرد شياكه.وإنما مفاتيح في إيد كل واحد فينا بتفتح له الأبواب والقلوب المقفوله.
إبنك لو عايز حاجة وما اخدهاش بيتحول لوحش؟ بيتحول لإنسان تانى؟ يصرخ ويرمى نفسه على الأرض؟ وممكن يضربك وممكن يكسر أي حاجة قدامه؟ إبنك مش قليل الأدب، ولا انتى فشلتى في تربيته. هو بس محتاج يفهم حاجة ويتعلم حاجة، محتاج يفهم ويتاكد ان صريخه وعياطه مش هيغير كلامك مهما حصل. اصل احنا ساعات بنقول لأ ولما نزهق من الصريخ بنقول “أصله تعبان النهارده”، “اصله مش نايم كويس” ، “اصله جعان”، “اصلها زعلانه عشان بقى لى كام يوم مشغوله عنها” وغيره وغيره من الأعذار اللي بنلتمسها (لنفسنا) عشان نبرر (لنفسنا).. (تراجعنا) عن (موقفنا). بينما كل المطلوب هو اننا لو قلنا “لأ” يبقى مهما حصل ما نرجعش في كلامنا. وده هيعلمنا نفكر قبل ما نقول “لأ” . ومحتاج يتعلم يتقبل الرفض وعشان يتعلم المهاره دى، لازم احنا نرفض احياناً، ولو رفضنا وزعل، نصبره، وبرضه ما نعملش اللي هو عايزه.وبكده نبقى جمعنا الحنيه والحزم في نفس الوقت.
ًعشان تربي طفل مؤدب محتاجة: ـ تحددي لنفسك “يعني إيه مؤدب” ـ تثبتى على مبادئك. الحاجة اللي تقولي عليها “لأ” تقولي عليها “لأ” دايما.
– تقولي أيوة أكتر ما تقولي لأ .
ـ تركزى. ما تخليش الناس والظروف ومشاغلك تلهيكى عن أهدافك التربوية.
ـ تسيطرى. ما تقنعيش نفسك انك بتعملي حاجة غصب عنك (لا الزعيق ولا تأخير النوم ولا الإنشغال عن الأولاد بيكونوا غصب عنا).
– تكونى واقعية. إبنك محتاج وقت عشان يكبر، ومحتاج يغلط عشان يتعلم.
ـ تكونى مرنة. يعنى مستعدة تتأقلمى مع احتياجات طفلك البدنية والنفسية والذهنية. تستحملي ان الحاجات تاخد وقت أطول شوية، او إن الكلام ما يتفهمش من أول مرة، أو إن طفلك محتاج يتحرك، او إنه محتاج تديه شوية حرية وفرصة لاتخاذ القرار.

Facebook Comments

منال رستم

منال رستم هي مدربة الانضباط الإيجابي المعتمدة ومعلمة منتسوري معتمدة للأعمار من 2.5 إلى 6 سنوات. لديها أكثر من 5 سنوات من الخبرة في تقديم المشورة للآباء فيما يتعلق بقضايا الأبوة والأمومة. تعمل في الغالب مع جمهور ناطق باللغة العربية وجهًا لوجه

زر الذهاب إلى الأعلى