تغذية الأسرةتغذية طفلك

كيفية اختيار زيوت الطعام و زيوت القلى

 

8137e3ab7de6e81bdcf85b44166b9d82

كيفية اختيار زيوت الطعام و زيوت القلى

الزيوت بنحتاجلها طبعا في الأكل علشان كده لازم نعرف إزاي نختارها لأن الأنواع المنتشرة هي الزيوت المهدرجة اللي للأسف بتسبب على المدى الطويل سرطانات وأمراض مناعية وإلتهابات في القولون وشيخوخة مبكرة.

علشان كده لازم تعرفي المعلومات دى:

حاولي تتجنبي إستخدام الزيوت على قد ما تقدري

إزاي؟ 


❎  بلاش قلي عمال على بطال


✅  خلينا في المشوي والفرن والطبخ على البخار على قد ما تقدري (الموضوع تعود مَش أكتر)


✅  بدائل الزيت في الطبيخ
     ✳️  زيت جوز الهند بس غالي
     ✳️  زيت الزيتون البكر بس ماينفعش في القلي
     ✳️  الزيوت غير المكررة والمعصورة على البارد واللى ممكن تلاقيها في المحلات العضوية أو في السوبرماركت الكبيرة مثل زيت الكانولا وزيت عباد الشمس
     ✳️  زيت بذرة الشيا والكتان وزيت السمسم
     ✳️  إستخدام الزبدة بكميات قليلة جدا في الطبيخ وعند الضرورة فقط


❎  ما تستخدميش الزيت في القلي أكتر من مرة


✅  نسبة كمية الزيت إلى الأكل٦:١ يعني الزيت ٦ مرات كمية الأكل ولو الزيت قل أثناء القلي لازم تزوديه


❎  ممنوع إستخدام زيت الطبيخ للقلي والعكس صحيح


❎  إقري مكونات الزيت على العلبة، أول ماتلاقي زيوت مهدرجة إبعدي عنها لأن كلمة مهدرجة معناها زيادة نسبة الأمراض بالإضافة إلى إنعدام القيمة الغذائية

 

أخيرا أحب أقولكم إن كل العادات الغذائية تعَوُد، إسمها “عادات.”
لو اتعودنا ناكل من غير زيت أو قلي مَش هيحصل حاجة خالص بل بالعكس صحتنا وصحة أولادنا هتبقى  فى أحسن حالة.

مثال:
❎   البانيه
✅   البديل: الفراخ تتعمل شاورما أو شيش طاووق أو بيكاتا
❎   البطاطس المحمرة
✅   البديل: بطاطس صوابع وعليها مسحة زيت وتتحط في الفرن أو تتعمل سوتيه

يارب إحفظ أولادنا سالمين

Facebook Comments

مي سعد

د. مي سعد الدين إستشاري طب أطفال أبوالريش، وإستشاري دولي رضاعة طبيعية، ومؤسس تطبيق طفلي مع د. مي على الهواتف المحمولة
زر الذهاب إلى الأعلى