homesliderالرضاعة الطبيعيةتغذية الأسرةحلوياتصحة المرأة

كوكيز الرضاعة

 

كوكيز الرضاعة

مين فينا مش بيحب الكوكيز؟

طيب إيه رأيك لو تزودي اللبن للبيبي بطريقة طبيعية وانتي مبسوطة وبتاكلي كوكيز كمان؟

٩٠% من الأمهات اللي جربوا الوصفة دي اللبن زاد عندهم بطريقة ملحوظة جدا دا غير إنها بتغذي الأم وبتمنع التعب والارهاق وممكن كمان تهادي بيها صاحبتك اللي لسه والدة صدقيني هتبقى أحلى هدية ليها وللبيبي.
أجمل حاجة في الوصفة دي إنها آمنة في الحمل كمان ومغذية جدا للأطفال كمان.

وقت التحضير ١٥ دقيقة

المكونات ل ١٥ كوكيز:

١ كوب دقيق.
١/٢ معلقة صغيرة بيكنج بودر.
١/٢ كوب زبدة أو ١/٢ كوب زيت جوز هند.
٣/٤ كوب سكر بني.
٢معلقة ماء.
٢ معلقة صغيرة بذور كتان.
١ بيضة في درجة حرارة الغرفة.
1 معلقة قرفة.
فانيليا
٢ معلقة خميرة بيرة (مينفعش تبدليها بخميرة فورية).
كوب ونصف شوفان.
اختياري ( لوز – مكسرات- زبيب – تشوكليت شيبس)
الطريقة:
-في بولة كبيرة حطي السكر والزبدة واضربيهم بمضرب البيض كويس لغاية ما يبقى قوامهم كريمي وضيفي البيضة والفانيليا.
-في بولة منفصلة حطي بذور الكتان في الميه يتنقعوا شوية.
-اخلطي الدقيق والبيكنج بودر والملح وضيفيهم للخليط السابق وقلبيهم كويس.
-ضيفي باقي المكونات للخليط وباستخدام معلقة الايس كريم حطي الخليط في صينية مدهونة بالسمنة أو على ورق الزبدة.
-حطي الكوكيز في فرن ساخن مسبقا درجة حرارة ٢٧° من ١٠ إلى ١٢ دقيقة.

جربيها وقوليلنا رأيك وبألف هنا وشفا.

Facebook Comments

د. هناء محمد أبو القاسم

استشارى النساء والتوليد – مركز الأسكندرية الإقليمى لصحة وتنمية المرأة

إغلاق
إغلاق