أطباق رئيسيةرمضان هذا العام

كفتة داوود باشا

 


 
كفتة داوود باشا
 
من الوصفات اللذيذة جدا فى رمضان والعزومات والمحببة للكبار والصغار هى كفتة داوود باشا ويطلق عليها في الدول الأجنبية Meat Balls ولكن هنا بتكون بنكهة عربية.. تعتبر نوعا ما إقتصادية عشان بنصف كيلو لحم بس على حوالى ١ كيلو طماطم هنعمل سرفيس كبير..

المقادير:

نصف كيلو لحمة مفرومة
١ بصلة صغيرة مفرومة
٤ فصوص توم
سبع بهارات
ملح وفلفل
٢ ملعقة كبيرة دقيق
٢ ملعقة كبيرة زيت
١ ملعقة كبيرة صلصة
عصير طماطم
بقدونس
تقدم مع أرز أبيض أو أرز بالشعرية

 

الطريقة:
 
هنكور اللحمة بعد تتبيلها بملح وفلفل وبهارات، شوية بقدونس وبصلة صغيرة مفرومة (إختيارى).. نعفرها بالدقيق ونشوحها فى الزيت لحد ما تتحمر وتبقى نصف سوا عشان هتكمل سوا فى الصلصة… هنشيل الكفتة على جنب وفى نفس الحلة اللى شوحنا فيها هننزل ببصلة مفرومة و٤ فصوص توم مهروسين وملعقة كبيرة صلصة وملح وفلفل… وبعدين عصير طماطم فريش وملعقة صغيرة سكر ونسيبها تتسبك ونرجع الكفتة تانى فيها ياخدوا غلوتين مع بعض.. ونغطى الحلة..

*ملحوظة: لو عايزاها أخف هنحط كور الكفتة فى صينية بالفرن على درجة حرارة ٢٠٠ لحد ماتحمر؛ هى هتشرب مايتها وهتنزل دهونها اللى باللحمة.

تقدم مع أرز أبيض أو أرز بالشعرية…

بألف هنا وشفا ? ?

جربوها هتعجبكم جداااا إن شاء الله ? ?

Facebook Comments

إيمان عبد الرحمن

Eman Abdel Rahman is an Egyptian wife and mother. Eman is a cup cakes/cakes supplier and a part time host of several TV shows.

إغلاق
إغلاق