حكايات قبل النوم

قصة لعب البحر: قيمة المشاركة

 

bucket-and-toys-on-beach

قصة لعب البحر: قيمة المشاركة

القصة بقلم: رانية مغاوري

 

قصة تفاعلية من مشروع “حكايات الأطفال ودروس مستفادة للأم” والذى يهدف إلى تقديم قصص أطفال بسيطة تركز على القيم الأخلاقية والسلوك الإيجابي حيث تعتمد على إشراك الطفل في التفكير ومناقشة والديه وإتخاذ قرار نحو السلوك الأمثل الذي سوف يتبعه في الحالة التي تتناولها  القصة والتي تستهدف الأطفال في الفئة العمرية من 4 سنوات إلى 13 سنة.

في أجازة الصيف چوچو سافرت عند البحر مع باباها ومامتها. وفي أول يوم بعد ما وصلوا واستريحوا، چوچو لبست المايوه وأخذت عوامتها وراحت مع باباها ومامتها على الشط. وهناك اتعرفت على بنت قدها إسمها دودي وبقوا أصحاب..البنتين قعدوا يلعبوا مع بعض بلعب دودي: ركبوا المركب الصغير ولعبوا بالكرة والطيارة سوا. ولما جاء وقت الغداء چوچو مشيت واتفقت مع دودي إنهم يتقابلوا تاني يوم الصبح ويلعبوا مع بعض طول النهار. في الطريق للبيت چوچو راحت مع باباها ومامتها السوبرماركت يشتروا حاجات. چوچو شافت هناك مجموعة لعب بحر حلوة قوي وباباها اشتراها لها. تاني يوم أسرة چوچو استعدت علشان تروح البحر. بابا وماما لاحظوا إن چوچو ما أخدتش لعب البحر معاها.

بابا: أنت نسيتي تاخدي لعب البحر معاكي يا چوچو ولا إيه؟

چوچو: لا يا بابا أنا مش عاوزة أخذها معايا

ماما: ليه يا چوچو؟ هي اللعب مش عاجباكي ولا أنت مش عاوزة تلعبي بيها؟

چوچو: لا أنا بس مش عاوزة دودي تلعب بيها معايا

ماما وبابا: ليه يا چوچو؟

چوچو: علشان خايفة لاحسن دودي تضيع اللعب أو تكسرها.. ودي لعب جديدة لسه جايباها

بابا: يا چوچو أنتم لو لعبتم سوا اللعب الجديدة مش هتبوظ ومش هتتكسر.. ودودي لاعبتك امبارح بلعبها وكنتم مبسوطين.. وبعد ما خلصتم دودي لمت اللعب كلها وشالتها في شنطة كبيرة. وواضح أنها بتحافظ على حاجتها.

ماما: اللعب مش هتبوظ ولاهتضيع يا چوچو مادمتم بتحافظوا عليها وبتلموها وتشيلوها بعد ما تلعبوا

چوچو: أنا هاجرب وأشوف

چوچو أخذت اللعب معاها وراحت البحر مع بابا وماما. دودي فرحت جداً لما شافت چوچو جاية من بعيد وقعدت تشاور لها وتناديها وبعدين جريت عليها.

چوچو: أنا معايا مفاجأة يادودي..اشتريت امبارح لعب بحر جديدة..حلوة قوي

دودي بحماس: الله! وريهالي كده

چوچو فتحت الشنطة وطلعت اللعب وحطتها على الرمل. اللعب عجبت دودي جداً. البنتين رصوا اللعب  على الرمل وقعدوا يلعبوا بيها ويحفروا في الرمل ويعملوا أشكال. وبعد شوية نظفوا اللعب من الرمل وحطوها على جنب وبعدين ركبوا المركب بتاع دودي شوية وعاموا في البحر ولما طلعوا رجعوا يلعبوا بلعب البحر تاني.

وفي نهاية اليوم البنتين نظفوا اللعب من الرمل وحطوها في الشنطة علشان چوچو تروح بيها.

دودي: أنا انبسطت جداً يا چوچو بلعب البحر وهاشتري منها أشكال تانية وهاجيبها معايا بكره علشان نلعب بيها سوا.

چوچو: وانا كمان انبسطت جداً يا دودي وهاستنى بكرة تجيبي لعبك الجديدة ونلعب مع بعض!

البنتين كانوا في منتهى السعادة وروحوا على أمل يتقابلوا تاني يوم ويلعبوا سوا.

 

إرشادات وملاحظات للقاريء بقلم: آية سرحان

للسفر سبع فوائد كما يقال: استكشاف أماكن جديدة أو رؤية الأماكن من منظور مختلف، التجديد، استمداد أفكار لتطبيقها عند العودة، تقدير الاختلاف – وتنمية القدرة على التعامل معه، عمل صداقات جديدة أو حتى معارف جدد، والتعرف على العالم الواسع.

مع وجود أطفال قد يشعر الآباء أن السفر أكثر إجهادا، فهناك من يريد أن يأكل ويستمتع وينطلق ويتسلى. لكن مع بعض الاستعداد المسبق والترتيب تصبح الرحلة أكثر راحة واستمتاعا، لذا أحتاج هنا للتوقف والتحدث عن احتياجات الأطفال فى مثل هذا الظرف.

يتعامل كل طفل مع التغيير بشكل مختلف: فهناك طفل قد يتطلب الاحساس بالأمان والاستعداد عن طريق معرفة ما سيحدث ومشاركته فى التحضير للرحلة ورؤية بعض الصور أو حتى إجراء حوار إذا ما كان لديه أسئلة، وهناك طفل يتأقلم عن طريق التسلية والاندماج بألعاب أو مهام أثناء الرحلة.  فى كل الأحوال سؤال الطفل عن ما يريد أخذه أو اللعب به من كتب، ألعاب، أغاني، دمى، أو ألعاب وإشراكهم فى تجهيز المياه وبعض الوجبات الخفيفة كالفاكهة والسلاطة والتسالى شئ ضرورى لتجنب حدوث مشاكل فى أثناء الطريق أو عند الوصول. كما أنه مهم لتعريفهم بقيمة مشاركة الغير بالأفكار والوقت والمجهود.

قيمة المشاركة أيضا يكتسبها الأطفال من خلال عمل الصداقات أثناء السفر ومشاركة الغير ألعابهم للاستمتاع وقضاء وقت مسلى مع الغير كما حدث فى القصة عندما تحدثت الأم مع جوجو.

 

Facebook Comments

Life Coachers

Life Coachers is a licensed representative for Gordon Training International with a mission to contribute towards developing a more peaceful and productive community through training parents, teens, teachers, employees, and managers effective communication skills that are applicable at home, at schools, and at work.

زر الذهاب إلى الأعلى
إغلاق
إغلاق