بعد الخمس سنوات

فن الكلام مع أولادنا

 

فن الكلام مع أولادنا

يا ريت دائماً تنتقي كلامك مع ابنك، ابعد عن اأسلوب الترهيب، ساعد ابنك يشوف الحلو حتى في الحاجة اللى مش بيحبها، بلاش تخليه يعمل كل حاجة علشان خايف من الوحش اللى فيها….

قول و ماتقولش:
قول: ذاكر و هتحقق حلمك
ما تقولش: ذاكر علشان ما تسقطش

قول: صلي و هتدخل الجنة
ما تقولش: صلي و مش هتدخل النار

قول: كل وهتكون قوي وتكبر
ما تقولش: كل وإلا هتبقى عيان وهتاخد حقنة

قول: أنا بحبك لأنك ابنى حبيبى
ما تقولش: أنا هحبك لو بطلت تعمل كذا

قبل ما تقول لإبنك انت مش عارف أنا ضحيت بإيه علشانك، اعرف إنك ما ضحيتش علشانه هو بس .انت كمان كنت بتستفيد. انت كمان كنت حاسس بمتعة في تربيته. ابنك/ بنتك كان عامل هدف لحياتك. بطل الكلمة دي وشوف أكتر إيه تاني ممكن تعمله علشان تحل مشاكلك معاه.

بلاش توصَّل لإبنك/بنتك فكرة إن الحب حرام في المطلق!! إنت بتكون فاكر إنك بتحميه و إن هو ده أنسب رد. حاول تبذل شوية مجهود و تتناقش معاه و تفهِّمه يعني إيه حب، و إمتى يكون حلال وإمتى يكون حرام.

Facebook Comments

محمد وديد

محمد وديد هو مستشار زواج وعائلة حاصل على ماجستير في استشارات الصحة العقلية من كلية رود آيلاند بالولايات المتحدة الأمريكية وماجستير في الفلسفة من جامعة القاهرة ، مصر. يقدم مجموعة متنوعة من الخدمات الاستشارية.

زر الذهاب إلى الأعلى