أطباق رئيسيةوصفات لذيذة

فراخ بالبصل والسماق

 

فراخ بالبصل والسماق

فراخ بالبصل والسماق

اكلة لبنانى بقى فراخ بالبصل والسماق… مش عايزة اقوللكوا اد ايه سهلة ومافيهاش مجهود عشان الحر اللى احنا فيه ده وكمان طعمها تحفة بجد … عاملة زى المسخن الفلسطينى كدة… بس اخف واسهل

المقادير: (لاربع اشخاص)
• فرخة متوسطة منزوعة الجلد والدهون ومتقطعة اربعة
• معلقة ونص كبيرة سماق
• معلقة كبيرة دبس الرمان
• عصير نص ليمونة كبيرة
• رشة حبهان مطحون
• رشة صغيرة قرفة مطحونة
• ملح وفلفل وجوزة الطيب
• بصلة كبيرة متقطعة جوانح
• ورقة لورا

الطريقة:
• نتبل الفراخ بكل التوابل دى مع البصل ونسيبها فى التلاجة طول الليل
• نحط الفراخ فى صينية الفرن ونغطيها بالفويل ونسويها فى فرن حامى لمدة 45 دقيقة
• بعدها نشيل الفويل ونسيبها كمان ربع ساعة عشان وشها يتحمر

ومعاها سلطة فتوش حلوة بالسماق بردو عشان يبقوا لايقين على بعض… ورمضان كريم

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

زر الذهاب إلى الأعلى