أطباق رئيسيةوصفات لذيذة

فراخ بالبرتقال

 

فراخ بالبرتقال

ًفراخ بالبرتقال …. تحفة تحفة وخفيييفة جدا

المقادير:
• تلات وراك فراخ بالأرجل منزوعين الجلد والدهون
• بشر برتقالة
• عصير البرتقالة
• تلات شرايح برتقال من غير البذر (نقطعهم من البرتقالة قبل مانعصرها)
• معلقة صغيرة عسل
• زعتر فريش (ماتكتروش منه عشان مايغطيش على نكهة البرتقال)
• فصين توم متقطعين قطع مش مهروسين
• معلقة صغيرة كسبرة حبوب صحيحة
• نص بصلاية صغيرة متقطعة جوانح
• ملح وفلفل

الطريقة:
• بعد ماننضف الفراخ كويس أوى… نخلط معاها مكونات التتبيلة دى ونسيبها فيها بتاع ساعة مثلا…
• نشغل الفرن على أعلى درجة
• نحط الفراخ فى الفرن من غير مانغطيها…. ونرص فوق كل ورك شريحة من البرتقال.. ونسيبها فى الفرن تستوى بتاع 50 دقيقة تقريبا

مش عايزة أوصفلكوا الريحة الروعة إللى كانت مالية البيت لدرجة إنها كانت هتفطرنى

وبألف هنا ورمضان كريم عليكوا

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

زر الذهاب إلى الأعلى