الولادةبعد الولادة

فخورة بجسمى بعد الولادة

 

فخورة بجسمى بعد الولادة

جسمك اتغير بعد الحمل والولادة؟
وزنك زاد؟
بقى عندك بطن وعلامات تمدد الحمل؟
فيه أماكن اغمقت فى جسمك وشكلك اتغير؟

!احنا بقى بنقولك ايه الجمال دا انت كده أحلى وأجمل لأن دا جسم الأم اللي عندها بيبي مش حنقارنه بجسم بنت
افرحي وافتخري بكل تغيير في رحلة الأمومة وحبي نفسك وحبي جسمك وكوني فخورة بإنك أم

احنا بنعمل هاش تاج #فخورة_بجسمي_بعد_الولادة
#فخورة_بشكلى

عشان كل أم لسة والدة تحب جسمها وتبقى فخورة بشكلها الجديد
وكمان بنقدم لك نصايح إزاي تحبي جسمك وشكلك

ورقة وقلم واكتبي ورانا يا ست الكل

1. جيبي ورق ملون واكتبي عليه  “فخورة بجسمي وفخورة بنفسي” ولزقيه في كل مكان في البيت وقوليها وانتي مؤمنة بيها وصدقيها.

2- بصي لنفسك من جوا نظرة عميقة شوية وشوفي اد ايه جسمك عظيم وشوفي أي جسم قدامك بتفتكريه مثالي واسألي نفسك هل الجسم ده حمل طفل صغير رقيق جواه؟ هل رضع وتعب عشان خاطر بيبي صغير محتاجله؟

3- عيدي النظر في تعريفك لقيمة نفسك واعرفي إنه مش رقم على الميزان أو محيط وسطك إللي بيحدد جمالك الداخلي وشخصيتك المميزة.

4- اعملي كل يوم حاجة انتي حباها سواء فسحة أو رياضة أو أى حاجة حتخليكي تحبي نفسك

5- لو بتبصي على السوشيال ميديا وبتشوفي ازاي الممثلات جسمهم بقى أحلى بعد الولادة، بنقولك ده حيحصل بس ادي الموضوع وقته وطبعا الرياضة والتغذية الصح هما الأساس.

يلا نفعل هاشتاج #فخورة_بجسمي_بعد_الولادة
#فخورة_بشكلى

Facebook Comments

هناء أبو القاسم

استشارى النساء والتوليد – مركز الأسكندرية الإقليمى لصحة وتنمية المرأة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق