الصحة العامةتغذية الأسرةرمضان هذا العام

فؤاد المهندس وتصحيح مفهوم الصيام

 

Fouad_el-Mohandes

 

فؤاد المهندس وتصحيح مفهوم الصيام

فؤاد المهندس
فنان عظيم
برع في تجسيد شخصيات كلنا ارتبطنا بيها وحبيناها
Mr X
سبعاوي طه
وغيرها وغيرها

فؤاد المهندس كمان جسد دور الراجل الصائم الجعان العطشان النرفوز في كذا دور

مين مننا زي فؤاد المهندس؟؟
مركز أوى هنفطر إيه بعد كل ساعات الصايم دي؟!

كتير منا بيبقي عايز أكل كتير على سفرة الفطار
أكل أشكال والألوان

ولأن العين أكبر من المعدة ساعة الجوع
بناكل أكل أكتر من طاقتنا واحتياجنا

وبناكل بنهم شديد
للجوع اللى فات
وللجوع اللى جاي كمان!!

طب تخيلوا إن علميا.. الأكل الزائد عن حاجتنا للبقاء
وخصوصا لو كان محمر ومسكر بيخلينا نجوع أسرع من الطبيعي؟

وأكل الحلويات بيخلينا نشتهى الحلويات كمان وكمان!!
ونجوع تاني بعد ساعة ولا اتنين!!

مين قال إن جسمنا محتاج السكر المصنع من الكنافة والبقلاوة وقمر الدين؟

الحاجات دي وغيرها كتير بتعمل عسر هضم!!
وده اللى بيسبب الصداع والوخم والتقل بعد الأكل!!

طب وهو ده ينفع؟
هو الصيام كده؟

حقيقي ساعات الصيام طويلة
وفعلا طاقتنا بتخلص من الحر والعطش

بس مين قال إننا ناكل أكتر من احتياجنا
هو برميل ولا تنك ولا معده؟

الصيام نعمة من ربنا لينا
فرصة إننا نريح جسمنا من حاجات كتير
و نساعده يعيد نشاطه

صوموا تصحوا
ده حقيقي
صوموا صح
زي ما الكتاب بيقول
هتكسبوا صحتكم
وتجددوا نشاطكم
وتقدروا تركزوا في العبادة
وتقدروا تكونوا منتجين في ساعات النهار
من غير تعب ولا تقل ولا وخم

الأكل الكتير بيجوع أوى

Facebook Comments

هبه أنور

هبة أنور ، أم لثلاثة أطفال ، هي مدربة صحية شاملة درست التغذية والتدريب في معهد التغذية التكاملية. وهي مؤسسة Smart Food بقلم هبة أنور . تهدف إلى رفع مستوى الوعي حول تأثير الغذاء على الصحة والرفاهية العامة لجميع البشر من خلال خلق ثقافة إيجاد البدائل. وتتمثل رغبتها في تمكين كل أم بالأدوات والمعرفة اللازمة لتقديم خيارات طعام أفضل لأطفالها. تقدم هبة دورات توعية وبرامج تدريب تحولية للنساء لمساعدتهن على الوصول إلى أفضل ما لديهن ، وفهم أجسادهن وتحديد الأطعمة التي تناسبهن بشكل أفضل.

زر الذهاب إلى الأعلى