أوقات ممتعة مع أطفالكالأمومة

عيد الأم فرصة لبداية جديدة مع أطفالنا!

 

عيد الأم فرصة لبداية جديدة مع أطفالنا!

كلنا بنحلم بالوقت الحلو فى حياتنا، اللى نحس فيه بالراحة والسعادة.

اللى نحس فيه إننا قادرين ننسى همومنا وإلتزاماتنا اليومية.

الوقت الحلو مهما طال بنحسه قصير وبيفضل قلبنا وعقلنا متعلق بيه لغاية ما يجى وقت تانى نصنفه إنه كان من أحلى الأوقات

 

طيب يا ترى إيه هو أحلى الأوقات للأمهات ؟؟؟؟

كتير من الأمهات قبل ما تبقى أم بتحلم بالوقت اللى هتقضيه مع طفلها

وتبدأ ترسم صور وتخيلات وأحلام، بسرعة بتدوب وتطير مع أول يوم ألم بعد الولادة وأول أسبوع متواصل من غير نوم .

وتفضل الأحلام تدوب وتتلاشى مع كل مسئولية جديدة بتشاركها الأم مع طفلها. أول يوم مدرسة، واجبات، دروس، تمارين.

جرى يمين وشمال ،ليل ونهار، شهر ورا شهر وكأنه عرض مستمر لا ينتهى.

 

الفكرة إن وجودك مع أطفالك محتاج يكون له شكل مختلف من وقت للتانى عشان تلحقى تعيشى أحلى الأوقات مع أولادك فى كل مرحلة عمرية .

إزااااى ؟؟

الوقت دا لازم يكون بلا مسئوليات.  يعنى وقت للمتعة والمرح وبس.

تقربوا من بعض، تسمعوا بعض،  تعملوا حاجات جديدة مع بعض وتكون بينكم لغة مشاعر خاصة تقولها عيونكم وجسمكم قبل كلامكم .

تحسى فى الوقت دا إنك رجعتى طفلة معاهم

بتجربى حاجات جديدة معاهم وتسجلوا مع بعض ذكريات حلوة ما تتنسيش، تفتكروها مع بعض بعد سنين وسنين.

 

خلى عيدك السنة دى مختلف مع أولادك، خليه بداية خطة مشتركة بينكم إنكم تخلوا كل يوم يعدى عليكم فيه جزء تبنوا فيه مع بعض رصيد من ذكريات أحلى الأوقات مع بعض

Facebook Comments

ريهام سمير

ريهام سمير مستشارة مهنية في التعلم وتنمية المهارات الشخصية. ريهام أخصائية معتمدة في عسر القراءة من مركز بلاكفورد – لندن وعضو في جمعية عسر القراءة البريطانية. وهي مُعلمة معتمدة للانضباط الإيجابي في الفصل الدراسي من الرابطة الدولية للانضباط الإيجابي في الولايات المتحدة الأمريكية ، ومُنسِّقة معتمدة في اللغة الإنجليزية في TEFL وممارس معتمد في البرمجة اللغوية العصبية من المجلس الأمريكي للغة البرمجة اللغوية العصبية. تطبق ريهام تقنيات التعلم والتعليم الخصوصية الأكثر تقدمًا لخدمة أنواع عديدة من العملاء من مختلف الأعمار والأنظمة التعليمية.

زر الذهاب إلى الأعلى