تغذية الأسرةحلويات

عارفين ليه بنحس بالحنين تجاه حلاوة المولد؟

 

عارفين ليه بنحس بالحنين تجاه حلاوة المولد؟

كل مولد وأنتم طيبيين وبحلاوة المولد مستمتعين

عارفين ليه بنحن لحلاوة المولد ونحس ان الموسم ما يكملش إلا بيها؟ ده نوع من النهم النفسي والحنين للماضي الجميل

بصوا كده حواليكم وشوفوا مين الجيل اللي بيفرق معاه حلاوة المولد ومين مش شايف ليها أي مذاق خاص هتلاقوا إن جيل الأربعينات والخمسينات لحد السبعينات وبالكتير أوائل التمانينات هما دول الأجيال اللى عارفين يعني إيه حلاوة المولد وفاكرين سحر العروسة والحصان

إنما الجيل الأصغر من كده فارق معاهم بس الأجازة لكن طقوس الأكل والحلويات دى مش فاهمينها أصلا وده بيأكد نظرية إن النهم إنواع وإن النوع ده من النهم ما هو .إلا حنين لذكريات الماضي الجميل وبيت العيلة ولمة العيلة والحياة السهلة السلسة اللى مفيهاش لا غلو ولا تعقيد لما كانت كل المحلات بتعرض حلاوة المولد تقريبا بشكل واحد وأسعار معقولة.

الحنين يا سادة سبب أساسي في كتير من الأكلات المرتبطة بالمواسم أو الأشخاص.

و علشان نتعامل مع الحنين الجميل بذكاء ومنخسرش صحتنا قدام السمسمية والحمصية محتاجين نعمل التزاحم يعنى نشرب سموثي أو نفطر بروتين وخضروات قبل ما نهجم علي الحلاوة.

.وبعدين نشرب ميه بليمون وشاي أخضر وناكل الزبادي بالليمون لأن كل الحاجات دي وأمثالها كتير هتساعدنا نعمل التوازن

وكمان مش لازم ناكل كل أصناف حلاوة المولد يعنى خلينا نشوف أي صنف نفسنا فيه وناكل منه وأصلا بلاش يكون متوافرعندنا في البيتة .كميات حلاوة كتير يعنى خلينا نجيب كمية قليلة ولما تخلص يبقى تمام وكفاية كده

الفكرة مش في إن حلاوة المولد تبع الدايت أو ضد الدايت ولكن الفكرة في كمية السكر وما خفي في الحلاوة اللي هيضر بصحتنا ويأثر علي .نشاطنا وتركيزنا

اتهنُوا بصحة وسعادة 

Facebook Comments

هبه أنور

هبة أنور ، أم لثلاثة أطفال ، هي مدربة صحية شاملة درست التغذية والتدريب في معهد التغذية التكاملية. وهي مؤسسة Smart Food بقلم هبة أنور . تهدف إلى رفع مستوى الوعي حول تأثير الغذاء على الصحة والرفاهية العامة لجميع البشر من خلال خلق ثقافة إيجاد البدائل. وتتمثل رغبتها في تمكين كل أم بالأدوات والمعرفة اللازمة لتقديم خيارات طعام أفضل لأطفالها. تقدم هبة دورات توعية وبرامج تدريب تحولية للنساء لمساعدتهن على الوصول إلى أفضل ما لديهن ، وفهم أجسادهن وتحديد الأطعمة التي تناسبهن بشكل أفضل.

‫4 تعليقات

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى