شوربة الكرنب الحارقة للدهون
أولا:
بيحتوي الكرنب على نسبة عالية من الألياف الغذائيّة الّلي بتملا المعدة وتسرّع الإحساس بالشبع ودا بيقلل من كمية السعرات الحرارية المستهلكة دا غير انه بيحتوي على حمض الفوليك الّلى بيعزّز عمل بعض الإنزيمات في الجسم فيساعد على طرد السموم وتنقية الجسم منها وبيعمل على تنظيف القناة الهضميّة وإزالة السموم المتراكمة في الكبد.
ثانيا:
شوربة الكرنب نتيجتها رائعة طبعا مع الحفاظ على شرب الماية والتوازن في باقى العناصر الغذائية
ثالثا: والأهم دى مش وصفتي لكنها وصفة الإعلامية الكبيرة #سناء_منصور
نيجي بقى للمقادير:
• نصف كرنبة
• ٢ جزرة مكعبات أو مبشورة
• ٢ ثمرة طماطم مبشورة
• ١ ثمرة فلفل أخضر مكعبات
• ١ عود كرفس
• ١ مكعب مرقة أو شوربة من سلق الفراخ أو اللحمة
الطريقة:
هتقطعي كل الخضار ده بالطريقة اللي تريحك واسلقيها بشوية ماية وأول ما يتسلقوا ضيفي الشوربة وبهاراتك المفضلة، أنا حطيت ملح وفلفل فقط وساعة الغرف بعصر نصف ليمونة وبجد طعمها رائع وهتحسي كأنك بتاكلي محشي مثلا.
الحقوا نفسكم من دلوقتى الشتا وصل.
إيمان عبد الرحمن زوجة وأم مصرية. إيمان مورد كعك / كعك ومضيف للعديد من البرامج التلفزيونية بدوام جزئي.
