شوربات وصلصاتوصفات لذيذة

شوربة الفلفل المشوى

 

994465_518803278246657_1754985331291949793_n

شوربة الفلفل المشوى

المقادير: (لشخصين)
• واحدة فلفل أحمر كبيرة
• كوبايتين شوربة منزوعة الدسم
• نص بصلاية صغيرة مقطعة وسط
• فصين توم مهروسين
• ورقة لاورا

الطريقة:
• نمسك الفلفلاية بالشوكة ونشويها على النار لحد ماكل الجلد يسود…. أو نحطها فى الفرن ونسيبها لحد ماتتشوى… اللى يريحكوا..
• أول ماتتشوى وهى سخنة… نحطها على طول فى كيس بلاستيك ونقفل عليها كويس أوى.. أو فى طبق ونغطيه كويس… لحد ماتبرد والقشرة تنفصل بسهولة..
• نقشر الفلفلاية ونشيل كل الأجزاء السودا مكان الشوى… ونشيل البذر ونقطعها..
• فى حلة… نحط معلقة صغيرة زيت (وفى الحالة دى بقيت الأكل معمول من غير زيت خالص)… ونشوح البصل لحد مايصفر… بس مايغمقش… بعدها ننزل عليه بالتوم …
• نضيف الشوربة وبعدين الفلفل وورقة اللورا… وكدة كدة الشوربة فيها توابلها… ونسيبهم يغلوا مع بعض عشر دقايق.. نضيف بس شوية مية صغيرين قيمة مالشوربة تتبخر حبة من الغليان مش أكتر عشان ماتحدقش مننا..
• بعد ماتبرد… نضربها فى الخلاط… أو لو عندكوا المضرب اليدوى عادى وهى سخنة… وبس خلاص الشوربة بقت جاهزة

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

زر الذهاب إلى الأعلى