شوربات وصلصات

شوربة العدس

 

شوربة العدس
8956754393_434981a556_b

شوربة العدس

الجو بررررررررد وبجد مفيش أحلى من طبق شوربة العدس..
سهلة جدااا ومفيدة جدا أعتقد هنقدر نقاوم بيها أدوار البرد دى اللى مش بتخلص عشان الجزر والبصل.

المقادير: دى كمية كبيرة عشان التخزين فى الفريزر ونطلع الكيس ونسخنه وناكله بالهنا ودى طريقة مامتى وهى الوصفة التقليدية العادية.

كيس عدس أصفر
٢ بصلة كبيرة مقطعة مكعبات
٤ أو ٥ فصوص ثوم
٤ جزر مقطعة مكعبات
٢ طماطم متوسطة مقطعة مكعبات بردوا
ملح وفلفل وكمون (بعض الناس يضيفون كركم؛ بطاطس؛ كوسة) دى بقى حرية شخصية المطبخ مش فيه قاعدة.

الطريقة:
نشوح كل المكونات اللى فاتت فى ملعقة زيت أو زبدة ونضيف الماء المغلى ونسيبهم على النار لحد مايتهرى الخضار ونضربهم بالخلاط…

لو فتة عدس: هنحمر شعرية ونضيفها على العدس بعد ضربه على النار ونسيبهم يستووا … وعيش محمص بالفرن بملعقة زبدة وزيت زيتون بيبقى تحفة..

بالهنا والشفا.❤

Facebook Comments

إيمان عبد الرحمن

Eman Abdel Rahman is an Egyptian wife and mother. Eman is a cup cakes/cakes supplier and a part time host of several TV shows.

زر الذهاب إلى الأعلى
إغلاق
إغلاق