الأطعمة الأولىالشهور الأولى للمولوديوميات ماما

شكراً ماندي هيبرمان

 

شكراً ماندي هيبرمان

شكراً ماندي هيبرمان

يوميات ماما #١٥

من كام يوم وأنا بدور فى الإنترنت على قصص مثيرة وظريفة لشغلى عرفت الست دى.

الست دى المفروض كلنا نكون مدينين ليها بنظافة بيوتنا وروقان بالنا!

ماندى هيبرمان، بريطانية،  مخترعة أول كوب مانع للانسكاب فى العالم.. Non-spill cup

الأكواب المانعة للانسكاب هى ببساطة أكواب أطفال بغطاء، والغطاء فيه صمام بيمنع إن السائل ينزل من الكوب إلا فى حالة واحدة فقط لو الطفل شفطه، وبالتالى لو البيبى رمى الكوباية أو وقعت منه مفيش أى حاجة هتوسخ البيت، ولو حطيتى الكوب فى شنطتك مش هتبقى خايفة عليها من البلل.

دلوقتى كثير من الشركات الكبيرة اعتمدت نظام ال Non-spill فى أكوابها  وكل ما كانت الشركة أقوى كل ما متانة الكوب وعدم تسريبه كانت أعلى.

عارفين الفكرة جت إزاى لماندى؟

ماندى بعد ما ولدت طفلها الثالث إكتشفت إنه عنده مشكلة طبية بتمنعه إنه ياكل أو يشرب بشكل سليم من غير ما يوقّع الأكل والشرب.. ومن هنا ظلت ماندى  تبتكر وتبتكر وتحاول  لحد ما طلعت بحل يفيد ابنها ويفيد البشرية كلها واتكرمت  بسببه من ملكة بريطانيا شخصيا.

تحية لكل أم عرفت تخلى أولادها يكونوا مصدر لإلهامها فى العمل والحياة 🙂

ودلوقتى قوليلى.. عندك كوب مانع للانسكاب؟

 

مصدر الصورة:
الموقع الشخصى لماندي هيبرمان
http://www.mandyhaberman.com

Facebook Comments

شيماء الجمال

شيماء الجمال كاتبة ومدونة فى مجال الأم والطفل ومؤسسة موقع أنا حامل. للتواصل معها يمكنكم مراسلتها على info@ana7amel.net.

إغلاق
إغلاق