وجبات خفيفة، أطباق جانبية وسلاطاتوصفات لذيذة

سمبوسك

 

سمبوسك

سمبوسك

سمبوسك رمضان الجميل إللى مافيش بيت مش بيعمله فى رمضان. نفسنا نعمله دايت طيب نعمل إيه؟

بالنسبة للحشو:
• لو هنحشيه لحمة… يبقى اللحمة تكون متعصجة من غير دهون.
• لو هنحشيه جبنة… يبقى نختار جبنة قليلة الدسم.
• لو هنحشيه أى حشو تانى… المهم نسوى الحشو من غير دهون.

التسوية:
• عايزين رأيى… أصلا عجينة السمبوسك نفسها فيها دهون كتير… ف هيبقى بديل كويس لو استخدمنا عجينة الجلاش وقطعناها شرايط بعرض السمبوسك… صح الطعم مش هيبقى طبق الأصل زى السمبوسك… بس بردو هيكون حلو…
• طيب لو مصرين نعمله بعجينة السمبوسك… يبقى أسلم حل إننا نرصه فى صينية بعد مانحشيه وندهنه زيت بالفرشاة ونحطه فى فرن عالى لغاية مايحمر…
السعرات بقى:
• لو عملناه بعجينة السمبوسك ف الفرن… هتبقى الواحدة تقريبا فيها 40 كالورى… يعنى 4 وحدات يعادلوا الرز أو المكرونة اللى هناكلهم… ف يا إما نقسم السعرات بين السمبوسك والرز أو المكرونة… أو إننا ناكل السمبوسك بدلهم..
• طب لو عملناه بعجينة الجلاش… هيكون الواحدة تقريبا فيها 25 كالورى… يعنى 6 وحادت يعادلوا كمية الرز أو المكرونة…

الفكرة كلها إن كمية النشويات المسموحة لينا مجموعها 160 كالورى… نقسمهم زى ماحنا عايزين..

رمضان كريم

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

زر الذهاب إلى الأعلى