وجبات خفيفة، أطباق جانبية وسلاطاتوصفات لذيذة

سلطة الدجاج المكسيكية

 
سلطة الدجاج المكسيكية
سلطة الدجاج المكسيكية

سلطة الدجاج المكسيكية السلطة دى انا اكلت زيها من عند دايت سنتر (محل متخصص ف الاكلات الدايت) ف عملت زيها  هى لوحدها خلاص وجبة متكاملة مع كوباية عصير وكدة تمام  وفعلا بيتشبع جدا ..

المقادير:
• صدر فرخة مشوى متبل باى تتبيلة انتو بتحبوها ف الشوى (انا هنا عشان تمشى مع المكسيكى تبلتها بملح وفلفل وتومة وبابريكا وشعرة كمون وشعرة كزبرة ناشفة وبودرة مسطردة وخل ونقطة صلصة عشان اللون )
• خس كتييييييييير
• فلفل احمر واخضر
• معلقتين كبار فاصوليا حمرا معلبة او مسلوقة
• معلقتين كبار ذرة حلوة (معلبة)
• التتبيلة: ملح- خل- بابريكا- معلقة شاى مايونيز قليل الدسم- رشة صغيرة سكر دايت
• والمفاجأة: 4 وحدات دوريتوس 

الطريقة:
• نشوى الفراخ وبعدين نقطعها ترنشات رفيعة
• نخلط الخضار المقطع ونحط عليه التتبيلة
• وبعدين نكسر الدوريتوس ونرصه او نحطه كامل

نيجى بقة لقصة الدوريتوس:
• اولا انا اكلتها كدة من عندهم  وكانت الوجبة مكتوب عليها 350 كالورى … بس كانت كمية الذرة والفاصوليا نص الكمية اللى انا حاطاها هنا… يعنى توتال ممكن تبقى بالكتير 450 كالورى … اللى هما بردو مسموحين لينا ف الغدا..
• كمان كيس الدوريتوس الصغير فيه 125 كالورى وفيه حوالى 12 واحدة… ف احنا لو اخدنا 4 يبقى اللى احنا حطينهم هنا تقريبا كلهم 40 كالورى… ولا حاجة 

هى بجد سلطة جديدة والتتبيلة كمان عشان فيها تسكيرة شوية مع الخل مدياها طعم مختلف…. لكن اللى مش بيحب المسكر ف الاكل يشيله عادى … وبالف هنا 

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

زر الذهاب إلى الأعلى