وجبات خفيفة، أطباق جانبية وسلاطاتوصفات لذيذة

سلطة البنجر والجرجير

 

سلطة البنجر والجرجير

سلطة البنجر والجرجير

المقادير: (لشخص واحد)
• خس وجرجير أى كمية… بس لازم الجرجير عشان الطعم
• وحدتين بنجر مسلوق ومتقطع شرايح أو مكعبات… أو المعلب بنفس المقدار
• ثلاث وحدات عين جمل متقطعين (أو لوز محمص لو مافيش…. بس عين الجمل بيمشى معاها أكتر)
• معلقة جبنة بارميزان مبشورة
• التتبيلة: خل – ليمون – ملح – فلفل – توم مفروم أو بودرة توم – معلقة صغيرة أوى مسطردة

الطريقة:
• دى بقى يظهر فيها الفن بتاع كل واحدة فى إنها ترص مكونات السلطة مع بعضها بشكل يفتح النفس
• وبعدين نخلط مكونات التتبيلة ونحطها فوقيها
• وفى الآخر نرش الجبنة المبشورة وعين الجمل

التباين فى طعم البنجر الناعم مع الجرجير اللازع… وقرمشة عين الجمل مع البنجر وف النص تلاقى الطعم المالح من الجبنة يظهر كل ده… يمممممم

ممكن كمان تستبدلوا الجبنة البارميزان بأى جبنة (أصل السلطة بجبنة فيتا أساسا)… بس أنا حسيت إن الفيتا ماتمشيش مع الغدا خصوصا لو مشويات…. كل واحد وزوقه طبعا…

وبألف هنا

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

زر الذهاب إلى الأعلى