أطباق رئيسيةوصفات لذيذة

ستيك بصوص البرتقال

 

ستيك بصوص البرتقال

ستيك بصوص البرتقال

البرتقال من الحاجات القليلة السعرات (40 كالورى فى 100 مل) وكمان لما بتتضاف للاكلات بتدى طعم مميز كدة خاصة للحوم والدجاج

ف احنا النهاردة هنعمل ستيك بصوص البرتقال …

المقادير لشخصين:
• قطعتين لحم فيليه بتلو فى حجم كف اليد
• ملح وفلفل
• فص توم كبير مفروم او فصين صغيرين
• ربع كوب عصير برتقال بدون سكر
• ربع كوب مرقة لحم خالية من الدهون
• معلقة شاى زعتر طازج او مجفف

الطريقة:
• نتبل الستيك بالملح والفلفل والتوم وندعكهم بيهم كأننا بنعمله مساج بالظبط
• فى طاسة تيفال سخنة نحط الستيك عشان يتشوى على الجنبين وبعدين نوطى ونسيبه يستوى شوية ولو حبينا نزود شوية ميه اوك بس مجرد ما نوطى ونغطى الطاسة هو بينزل ميته بس خلوا بالكوا الطاسة ماتتحرقش من تحت الستيك
• بعدين نشيله ونحطه فى طبق ونغطيه عشان مايبردش
• فى نفس الطاسة نحط عصير البرتقال الاول ونطلع بالملعقة كل بواقى التحمير اللى ف الطاسة عشان تدوب وبعدين انزل عليه على طول بالشوربة
• نسيبهم يغلو مع بعض لغاية ماتقل الكمية شوية وتبقى تقريبا النص وكدة خلاص

التقديم:
كل قطعة ستيك نحط عليها شوية من الصوص الجميل ده ونرش عليها رشة بسيطة من الزعتر الطازج او المجفف

وبالف هنا

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

زر الذهاب إلى الأعلى