أطباق رئيسيةوصفات لذيذة

ستيك بالبقدونس وبشر الليمون

 

ستيك بالبقدونس

ستيك بالبقدونس وبشر الليمون

المقادير: (لشخصين)
• شريحتين ستيك بتلو بحجم كف اليد بالعضم أو بدون
• فصين توم صغيرين مفرومين ناعم
• بصلة صغيرة مفرومة
• كوب مرقة لحمة منزوعة الدسم
• طماطماية مبشورة
• نص حزمة بقدونس مفرومة ناعم أوى
• بشر ليمونة
• 3 حبات شمر
• ملح وفلفل وبهارات

الطريقة:
• شوحى البصل فى معلقة زيت صغيرة وبعدها نص كمية التوم
• وانزلى عليهم بالستيك وشوحيه معاهم على الوشين لحد ما ياخد لون
• انزلى عليهم بالطماطم المبشورة والشوربة وغطيهم وسيبيهم على نار هادية لمدة نص ساعة واقلبى الستيك كل شوية
• بعدها ضيفى البقدونس والشمر وباقى التوم ونص كمية بشر اليمون والملح والفلفل والبهارات وسيبيهم 10 دقايق كمان

نقدمه مع رز حلو كدة ونزينه ببقية بشر الليمون وبألف هنا

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

زر الذهاب إلى الأعلى