الولادةبعد الولادة

آداب زيارة الأمهات حديثى الولادة

 

آداب زيارة الأمهات حديثي الولادة

 الأم اللي لسه والدة دي ليها ظروف خاصة جدا وبتمر بكمية مهولة من المجهود الجسدي والنفسي بعد ما بتكون أم جديدة وعلشان كدا لازم نراعي دا لما نزورها علشان نحاول نساعدها ومانتعبهاش زيادة.

 :دي أهم ٥ حاجات ممكن تعمليها لو هتزوري أم لسة والدة

١- مراعاة وقت الزيارة: ماتروحوش فجأه لواحدة لسه والدة ولا تفتكروا إن دي مفاجأة ليها بالعكس دي كارثة لأن الأم في الشهور الأولي تقريبا مش بتنام و بتتحول لزومبي فممكن الساعة اللي انتي رايحاها دي تكون الساعة الوحيدة اللي هي هترتاح فيها.

٢- مدة الزيارة: ياريت برضو لو مافيهاش إساءة أدب بلاش فكره الداي يوز.

يعني زيارة سريعة خفيفة بالكتير أوي ساعة و تمشي مهما كنتي صاحبتها ومهما كنتوا قريبين الأم الجديدة بتبقي مرهقة ومش نايمة ومش واكلة وحياتها كلها متشقلبة لدرجة معندهاش طاقة لأي إجتماعيات في الكام شهر الأولانيين.

٣- لو عندك إشتباه في أدوار برد وفري زيارتك أحسن: بلاش حوار أصل دي بداية دور أو دا دور خفيف لو عيانة ماتروحيش علشان كفاية زن الطفل اللي لسه مولود مش كمان عيا وبرد.

وطبعا مش محتاجة أقولك إنك لو عندك أي حاجة معدية إنك أحسن ماتروحيش خالص عن إنك تروحي و تسيبيهم عيانين.

٤- بلاش النصائح الذهبية: من أكتر الحاجات المزعجة ليا أنا شخصيا النصائح.

الأم بتكون مرهقة جدا مش محتاجة خالص تسمع إنها فاشلة أو إن فيه طريقة مثلي لعمل حاجة معينة فممكن تقولي النصائح دي بعدين وإفتكري دايما إن كل طفل بتنفع معاه حاجة غير التاني وكل أم أدري بولادها.

٥-  ياريت برضو الكلام اللي من نوعية مال شكلك تعبان كدا وانتي مش بتنامي ولا ايه والكلام دا تحتفظي بيه لنفسك لأن الأم الجديدة .عارفة إنها مش شبه نفسها في الفترة دي والكلام دا هيكون مُحبط جدا ليها وبيضغط عليها أكتر

Facebook Comments

ديانا فريد

Diana is a wife and a mother of twin babies who is inspired by music, nature and daily life interactions. She uses her passion for writing to capture special moments, replace pain with laughter, and inspire others. She is a feature writer for several publications in Egypt and the Gulf; through her Twin Mummy’s Diary she shares her thoughts, experiences and helpful tips as she goes us through the roller coaster ride called motherhood, with its challenges and joys.

‫8 تعليقات

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق