اقري كثير عن الحمل والولاده وتربية الأطفال دا الوقت الصح انك تثقفي نفسك في المواضيع الهامه
قيسي ضغطك كل اسبوع حرارتك كل يوم و استشيري طبيبك برسالة واتس آب في اي استفسار محتاجاه كل الأطباء بتساعد الآن الأمهات في الرد تشجيعاً انك تكوني في البيت وانت مطمئنه
اعملي تمارين الحمل كل يوم اللي اتعلمتيها في حلقات الحمل والولاده او من الانترنت اختاري تمارين تناسبك ونشطى نفسك
انت مش حتزوري ماما وبابا ولا صحابك بس مين يقدر على كده استخدمي البرامج اللي بتسمح انك تقابلي وتدردشي مع كل اللي بتحبيهم صوت وصوره وانت ( مأنتخه) face time, messenger google hangout, houseparty, zoom
ممكن تشتركي في محاضرات الحمل والولاده اون لاين اسألي مركز مامز هاڤين
لو شاطره تعملي تريكو او كروشيه او تفصلي اي حاجه للبيبي حيكون ليها ذكرى مختلفه
وبما ان الستات مش بتقدر توقف shopping الحظر والكورونا مش حيمنعك تقدري تتسوقي اون لاين وتبعتي الفاتوره على بيت ( جوزك) ربنا يخليه ليكي خليه يشترك معاكي واختارو ملابس البيبي وادواته مع بعض