الأبوةالأمومةالتربيةسنوات المراهقةقيم وعلاقات أسرية

حملة بالهداوة مش بالقساوة تحت رعاية يونيسف مصر 3

 

حملة بالهداوة مش بالقساوة تحت رعاية يونيسف مصر 3

 

احنا سعداء جدا بالحملة اللى بتنظمها UNICEF Egypt يونيسف مصر واللى بتشجع على تربية أولادنا #بالهداوة_مش_بالقساوة وسعداء أكتر لكوننا شركاء فى هذه الحملة كـ
The Family Experts Network – شبكة خبراء الأسرة
واللى قام فيها خبرائنا بدور الاستشاريين التقنيين.

#شبكة_خبراء_الأسرة بالتعاون مع
European Union in Egypt المجلس القومي للطفولة والأمومة – الصفحة الرسمية وزارة التربية والتعليم المصرية

 

مفيش خلاف على إن فترة المراهقة هى فترة حساسة وحرجة وبالتالى أولادنا فيها بيحتاجوا لنوع خاص من التعامل قائم على التفاهم والاحترام وماينفعش أبدا تبقى ردودنا عليهم كلها من عينة “أنا قولت لأ يعنى لأ” و “من غير ليه” و “هو كده وخلاص” لأن الطريقة دى فى التعامل بتخليهم يحسوا بالاحباط الشديد وإنعدام الأهمية وعدم الثقة بالنفس.

لازم نسمعهم ونديلهم فرصة يعبروا عن رأيهم ويوضحوا موقفهم لو غلطوا من غير مانبقى طول الوقت بنهاجمهم ونتهمهم بالاستهتار وعدم تحمل المسئولية.

 

الفيديو ده بيضم مجموعة من الأمثلة لمجموعة من المواقف اللى لو حطينا نفسنا فيها مكان أولادنا المراهقين هنشوف تصرفاتنا بشكل مختلف جدًا.

https://www.facebook.com/UNICEFEgypt/videos/512237742894005/

 

 

تربية ولادنا مسئولية كبيرة خاصة وانهم كل مدى بيكبروا واحتياجاتهم بتتغير وبالتالى إحنا كمان لازم نغير من نفسنا ومن طريقة تعاملنا معاهم.

يعنى بدال الزعيق والضرب والإهانة والتقليل من شأنهم قدام أى حد أو حتى قدام نفسهم لازم نحاول نستوعبهم ونحتويهم ونبقى أصحاب مقربين ليهم بحيث يحسوا معانا بالأمان بدال ما يدوروا عليه بره البيت عند الأغراب واللى عمرهم ما هيحبوهم قد ما إحنا هنحبهم ولا هيخافوا عليهم زينا وبعد كده نرجع نندم ونقول ياريت اللى جرى ما كان.


بالهداوة نفهمهم.. وبالقساوة نبعدهم

Facebook Comments

فريق عمل موقع عالم الأم والطفل

Our team is always on the look out to bring our readers the latest news, happenings and inspiring and useful tips that others have shared.

إغلاق
إغلاق