العودة إلى المدرسةلأطفالك الصغاروجبات خفيفة، أطباق جانبية وسلاطاتوجبات مدرسية

بيتزا الباذنجان

 

بيتزا الباذنجان

من أكتر الحاجات اللى بننسى نقدمها للأطفال هى الباذنجان على الرغم من فوائده العالية جدا وإنه مليان بالحديد والمعادن بس طبعا أكيد مش هيحبوا شكله التقليدى .. النهاردة هنقدمه بوصفة وفكرة سريعة وتنفع غدا سريع لو الأم بتشتغل..

بيتزا الباذنجان :
2 باذنجان رومى مقطع دواير
ربع كوب عصير طماطم
2 فص توم
ربع كيلو لحمة مفرومة معصجة
فلفل أخضر
زيتون أسود
جبنة موتزاريلا
ملعقة كبيرة زيت زيتون

الطريقة :

هنقطع الباذنجان بعد غسله دواير ونجيب الجريل ندهنهاا زيت بسيط ونشويه.. بعد مانشويه على الناحيتين نحضر  الحشوة وهى اللحمة المفرومة نضعها على النار مع عصير الطماطم وفص التوم هنا إختيارى بس لإعطاء ريحة ونكهة.

هنجيب صينية وندهنها زيت زيتون  ونرص قطع الباذنجان وفوقها الحشوة ونحط مكونات البيتزا المفضلة ليكم اخترت هنا مع الحشو فلفل أخضر رومى مقطع صغير مع الزيتون والجبنة .

هتدخل الفرن حرارة 200 حوالى ربع أو  نص ساعة لحين سوا الباذنجان وتسييح الجبنة

وبالهنا والشفا

 

 

 

 

Facebook Comments

إيمان عبد الرحمن

Eman Abdel Rahman is an Egyptian wife and mother. Eman is a cup cakes/cakes supplier and a part time host of several TV shows.

إغلاق
إغلاق