أطباق رئيسيةلأطفالك الصغاروجبات مدرسية

برجر اللحم بالخضروات

 

 

برجر اللحم بالخضروات

برعاية: ريتش بيك

أحب أتكلم بصفتى شيف ببرامج طبخ وعندى جروب ووصفات خاصة بأفكار مفيدة وصحية وأهم من كل ده بصفتى أم فريدة التى لا تتعدى ٣ سنوات وأكيد حاسة بمعاناة وخوف كل أم على أطفالها.
التغذية السليمة من أهم عوامل الصحة السليمة والنشاط لأطفالنا؛ أكيد كل أم بيبقى نفسها أولادها يبقوا بصحة جيدة ولكن تبقى المشكلة الأساسية كرههم للخضروات والفاكهة إلخ..
الخضروات من أكبر مشاكل معظم الأمهات مع أطفالهم ودة لأننا كلنا اتعودنا على وصفات أمهاتنا التقليدية.. الموضوع يستحق المثابرة والتجربة من وصفة إلى أخرى لحد مانلاقى اللى يعجبهم .. النهاردة هجيبلكم أفكار وحيل بسيطة

 

أكيد كل الأطفال بتحب الشوربة هنحط فيها ليمون ولو إبنك كبير شوية هاتيلو المنتج اللى لسان العصفور فيه على شكل حروف..
عسل النحل من الحاجات الهايلة لمقاومة البرد هنحلى كل حاجة بالعسل بدل السكر ومش هيحسوا بفرق.

 

الجزر من الحاجات الهايلة المليانة بالفيتامينات.. هنعمل كيكة الجزر في قوالب كب كيك والفكرة الجديدة مع صلصة المكرونة هنحط بشر جزر بجد مش بيبان خاااااالص مع المكرونة.

 

وأخيرا برجر اللحم مع الخضروات.. وصفة مميزة والحمد لله ناجحة ونالت إعجاب الكبار والصغيرين..

 

كل الأطفال بيحبوا البرجر هنعمل خدعة صغيرة وهى إضافة بعض المنكهات والخضروات لإعطاءه قيمة غذائية

 

مقادير برجر اللحم بالخضروات:
١/٢ كيلو لحمة مفرومة
نصف بصلة مفرومة
١ كوسة مبشورة ناعم
١ جزر مبشور
١ بيضة
١ كوب بقسماط
ملح وفلفل وبهارات

 

الطريقة:
تخلط اللحمة مع البصل والخضروات وجميع المكونات السابقة وتفرم باليد فرما جيدا حتى تتجانس جميع المكونات، مع مراعاة تصفية البصل من مايته حتى لا يفك البرجر.
تكوير اللحمة، ولعمل شكل البرجر بصورة جيدةهتجيبى كيس من أكياس الثلاجة البلاستيك وتفتحيها وتحطيها على الرخامة؛ ثم ناخد كمية صغيرة من الخليط السابق ونعمل شكل كورة صغيرة ونحطها على الكيس ونلم الكيس على الكورة ونبططها لحد ما تبقى شكل البرجر.. وتكرر العملية السابقة وتحمر فى مقلاة بملعقة زيت على كل جانب.

 

يمكنك تقديمها مع طبق مكرونة أو عمل ساندويتشات فى عيش الكايزر مع إضافة الخس والطماطم.

 

فى المقالات القادمة هجيبلكم وصفات وأفكار تانية كتيرة!

Facebook Comments

إيمان عبد الرحمن

إيمان عبد الرحمن زوجة وأم مصرية. إيمان مورد كعك / كعك ومضيف للعديد من البرامج التلفزيونية بدوام جزئي.

زر الذهاب إلى الأعلى