أطباق رئيسيةوجبات خفيفة، أطباق جانبية وسلاطاتوصفات لذيذة

بتنجان قوارب محشى خضروات

 

بتنجان قوارب محشى خضروات

بتنجان قوارب محشى خضروات

الجماعة الأتراك دول بيتفننوا ف الأكل بشكل مالوش حل!!!

أكلت مرة هناك بتنجان قوارب محشى خضروات كان فى منتهى الروعة. احنا بقى هنعمل منه النهاردة النسخة الدايت.

المقادير:
• بتنجان رومى متوسط
• بصل متقطع شرائح أو مكعبات
• طماطم
• توم مفروم (3 فصوص توم لكل 2 بتنجان)
• بقدونس- شبت- ريحان
• ملح وفلفل

الطريقة:
• نقطع البتنجان بالطول ونفضى شوية من القلب لحد مايبقى زى القارب ونرش عليه ملح
• نقطع البصل والطماطم وقلب البتنجان ونخلطهم مع بعض مع التوم والملح والفلفل والبقدونس والشبت والريحان.
• نحشى قوارب البتنجان بالخليط ده وبعدين نحطه فى صينية ونحط فى الصينية بالظبط معلقتين ميه عشان البتنجان ماينشفش.
• نغطى الصينية بالفويل ونسويه ف الفرن يكون على حوالى 180 مئوية لمدة 20 دقيقة.
• بعدها نشيل الفويل ونسيبه كمان 15 دقيقة عشان الوش يتحمر.

ممكن يتعصر عليه ليمون وقت الأكل بيبقى حلو أوى وممكن تنوعوا فى الحشوات زى مانتوا عايزين… بس لو ناويين تحطوا لحمة مفرومة نبقى ملتزمين بالكمية المسموحة لينا ومايكونش فيها أى دهون.

ممكن كمان لو عايزين نعمل معاه شوية صلصة صغيرين ونرش منهم فى قاع الصينية أو على وش البتنجان قبل مايدخل الفرن.. هتبقى حلوة بردو.. بس أنا بستسهل

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

‫2 تعليقات

زر الذهاب إلى الأعلى