أطباق رئيسيةوصفات لذيذة

النجرسكو

 

النجرسكو

 

الفراخ والمكرونة من الأكلات المفضلة عند الأطفال. النهاردة جايبالكم طريقة بسيطة للنجرسكو ..
من الأكلات اللذيذة جدا واللى ممكن تتعمل من بواقى الفراخ.
المقادير:
كيس مكرونة شرايط (أو اسباجتى)
٥ ملاعق كبيرة دقيق
٢ ملعقة كبيرة زيت
كيلو إلا ربع لبن
فراخ مسلوقة مقطعة مكعبات أو شرائح رفيعة
كوب خليط جبن (موتزاريلا ورومى وشيدر)
ملح وفلفل ورشة قرفة وزعتر
الطريقة:
نسلق المكرونة ٣/٤ سوا ..

نجهز البشاميل بطريقته المعتادة بس نخلى قوامه خفيف .. نشوح الدقيق في الزيت وننزل باللبن شوية شوية مع التقليب المستمر علشان ميكلكعش وبعد كدة نضيف الملح والفلفل والبهارات.

نسلق الفراخ ونقطعها بشكل عشوائي أو مكعبات حسب الرغبة. علشان نخلى طعمها أحلى نشوحها فى ملعقة زبدة مع رشة زعتر..

نخلط المكرونة بعد سلقها مع البشاميل الخفيف فى حلته ونحضر صينية بايريكس ونحط طبقة مكرونة وفوقها الفراخ نوزعها بشكل متساوى مع رشة جبنة وبعدين نحط باقى المكرونة نفردها  على الوش مع رشة جبن ..

نسيبها فى الفرن لحد ما وشها يحمر ..

وبالهنا والشفا 🙂

Facebook Comments

إيمان عبد الرحمن

Eman Abdel Rahman is an Egyptian wife and mother. Eman is a cup cakes/cakes supplier and a part time host of several TV shows.

إغلاق
إغلاق