لأطفالك الصغاروجبات خفيفة، أطباق جانبية وسلاطاتوجبات مدرسية

الناجتس بطريقة صحية ومن غير قلى

 

 

الناجتس بطريقة صحية ومن غير قلى

برعاية: ريتش بيك

كل الأطفال وكذلك الكبار بيحبوا الناجتس المحمرة؛ طيب إيه رأيكم نقدمها النهاردة بطريقة صحية أكثر ومن غير قلى ولا تحمير وكمان هنحط فيها خضروات مش هيحسوا بطعمها خالص.. هتبقى لطيفة جدا فى اللنش بوكس عشان حجمها صغير وهتمدهم بالطاقة عشان الوصفة فيها بروتين اللى هو الفراخ والبيض والخضروات .. يلا نعرف المقادير والطريقة بطريقة سهلة..

 

المقادير:
نصف كيلو صدور فراخ مخلية
١ جزرة صغيرة مبشورة
١ بطاطس صغيرة مسلوقة (إختيارى)
١ بيضة
نصف كوب بقسماط
ملح وفلفل وبابريكا وزعتر وكركم وكارى
١ ملعقة صغيرة زيت لدهن صينية الفرن

 

الطريقة: تغسل الصدور جيدا بالليمون والملح والدقيق عشان زفارة الفراخ .. ونبتدى نخلط المقادير كلها بالكبة لتصبح شكلها مثل الكفتة؛ بس هنحط نصف مقدار البقسماط داخل الخلطة والباقى هنشكل فيه.. وهنا بقى فيه طريقتين، الأولى: نخلط الفراخ بكل المقادير السابقة بما فيها البيضة ونبتدى نشكل كور أو نجوم حسب ما يفضل أولادك ونحطها بالبقسماط.. الطريقة الثانية: بعد ما تخلطى الفراخ هتشكليها ونحطها بالبيضة وبعدين البقسماط.. هندهن صينية تيفال أو جرانيت بملعقة زيت وندخلها الفرن على أعلى درجة حرارة لمدة ١٠ دقايق وبعدين نخفضها ل ٢٠٠ درجة مئوية ونقلبها عشان تحمر من فوق ومن تحت..
* تقدرى تعملى كمية وتحفظيها بالفريزر لحين الإستخدام.
وبألف هنا وشفا
Facebook Comments

إيمان عبد الرحمن

Eman Abdel Rahman is an Egyptian wife and mother. Eman is a cup cakes/cakes supplier and a part time host of several TV shows.

إغلاق
إغلاق