أطباق رئيسيةوصفات رمضانيةوصفات لذيذة

السبانخ بالبشاميل

 

السبانخ بالبشاميل

السبانخ بالبشاميل

بصوا إنتوا هتلاقونى باجيب سيرة السبانخ كتير عشان أنا بحبها أوى بصراحة ودى كمان تغيير عن الطريقة التقليدية اللى بنعملها بيها..

المقادير:
• كوبايتين بشاميل دايت (اللى شرحنا طريقته قبل كدة ف المكرونة بالبشاميل)
• كيس سبانخ مجمدة أو طازة مفرومة
• بصلة مفرومة
• فصين توم مفرومين
• ملح وفلفل وجوزة الطيب
• للوجه: معلقتين جبنة مبشورة قليلة الدسم أى نوع تحبوه أو معلقتين بقسماط مطحون

الطريقة:
• نرش اسبراى الزيت (على فكرة اكتشفت انه مافيهوش سعرات حرارية ودى حاجة فرحتنى أوى) ونحمر البصلة لغاية ماتصفر
• بعدين ننزل عليها بالتوم لغاية ماتتطلع ريحته
• بعدها ننزل بالسبانخ ونقلب ونظبط الملح والفلفل وجوزة الطيب ونسيبها دقيقتين على النار لغاية ماتستوى
• نشغل الفرن على العالى
• نرص السبانخ فى الصينية أو القالب وفوقيها البشاميل ونرش فوقيهم الجبنة أو البقسماط
• ونسيبهم فى الفرن لغاية مالوش يحمر

وبألف هنا

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

زر الذهاب إلى الأعلى