أطباق رئيسيةوجبات خفيفة، أطباق جانبية وسلاطاتوصفات لذيذة

الرز بالكركم و الخضار

 

10383902_522246644568987_5083483719614396768_n

الرز بالكركم و الخضار

المقادير: (لفردين)

• أرز بسمتى مغسول ومنقوع
• نص بصلاية مفرومة
• نص كوب بسلة وجزر مجمدين
• ملح
• نص معلقة صغيرة كركم
• نص عود قرفة – اتنين حبهان صحيح – اتنين قرنفل – ورقة لاورا
• معلقة صغيرة زيت ذرة (الوحيدة اللى فى الوجبة كلها)

الطريقة:

• فى الزيت نشوح البصلة لحد ما تصفر وبعدها ننزل عليها بالتوابل الصحيحة ماعدا الكركم ونقلب لحد ماريحتهم تطلع
• ننزل عليهم بالبسلة والجزر ونقلب وبعدين ننزل بالمية السخنة
• نصفى الرز ونحطه على الخضار ونضيف الملح والكركم ونكمل تسويته زى الرز العادى
فيه ناس بتحب تضيف للرز ده مكعب مرقة… بس انا ماضفتش هنا عشان كنت عاملة الكفتة اللى قولتلكوا عليها فا حسيت انها مش هتليق.. ممكن لو عاملة فراخ كنت ضيفتها.

Facebook Comments

إيمان حلمي

مع انها صيدلانية… الا ان اكتر حاجة بتحبها إيمان حلمى هى انها تطبخ اكلات كتيرة من الاكلات المفضلة عندنا بطريقة تكون ماشية مع الدايت وف نفس الوقت تحافظ على الطعم الحلو… ومن ساعتها قررت تشارك الفكرة دى مع كل الناس اللى نفسهم يعملوا دايت ومايزهقوش.. من خلال اكلات جديدة ولذيذة… ودايت!

زر الذهاب إلى الأعلى