الصحة العامةتغذية الأسرةتغذية طفلك

الأكل الصحى حياة

 

الأكل الصحى حياة

إزاي أسمع لجسمي؟
سؤال بسمعه باستمرار وبشوف قد إيه الحيرة والتوتر من فكرة إن الشخص يركز مع جسمه و يسمع له

ياترى جسمى هيقولي ايه ؟
هيقول بيحب إيه ومتقبِّل إيه من الأكل وهيقول إيه اللي بيتعب

دى مهارة أنا بشوفها جوهرية في طريق الحياة الصحية

الأنظمة الغذائية كتيرة ومتعددة وأحيانا بتكون متضاربة وهنا بتيجى الحيرة إنى أتبع إيه منهم

هل أجرب أكون نباتى  وأبطل كل منتجات الحيوانات وأعيش بس علي اللي طالع من الأرض؟
ولا أمشي علي الكيتو دايت وأمنع النشويات وأركز في الدهون؟

الحقيقة إن كل واحد له طبيعة خاصة وممكن دايت يجيب نتايج هايلة مع شخص
( نشاط وتركيز ومود حلو ونوم عميق وخفة في الحركة )
ويكون بالنسبة لشخص تانى عقبة في حياته ويتعب منه
وده جوهر نظرية الانفرادية أو ال bio individuality

لما بنصح الناس تسمع لجسمها مش بقولها شوفي جسمك هيتعب من المقرمشات أو المواد الغازية أو الحلويات أد إيه

الموضوع أعمق من كده

أنا بساعدهم يتعلموا مهارة الاستماع لإشارات الجسم و يفهموا دلالاتها
مش بس مع الاكل اللي مش هنختلف انه ضار بطبيعته لا كمان مع الاكل المفيد ( قالولنا كده) في المطلق بس مش مناسب لطبيعة الجسم الخاصة

قد يكون الجسم بيتعب من البقول أو من الألبان أو من المخبوزات أو حتي من أصناف معينة من الخضروات !
كل جسم وله طبيعته وفك شفرات علاماته وإشاراته بتنقل الشخص من حالة التعب والإرهاق والمرض لحالة الصحة وقيادة الحياة بتوازن

وأول ما بنطلع بره صندوق الأكل التقليدي ونكتشف عالم البدائل الصحية بنلاقى الحياة بتختلف ونظرتنا للأكل بتختلف وطاقتنا وصحتنا بتختلف جدا

Facebook Comments

هبه أنور

Heba Anwar, a mother of three, is a holistic health coach who studied nutrition and coaching at The Institute for Integrative Nutrition. She is the founder of Smart Food by Heba Anwar. She aims to raise awareness on the impact of food on health and the general wellbeing of all humans through creating a culture of finding alternatives. Her wish is to empower every mother with the tools and knowledge needed to offer better food choices for her children. Heba offers awareness courses and transformational coaching programs for women to help them reach their best selves, understand their bodies and identify what foods work best for them.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق