بعد الخمس سنواتسنوات المراهقة

أفكار تساعدنا نستغل الوقت بأحسن طريقة في موسم الصيف

 

 

أفكار تساعدنا نستغل الوقت بأحسن طريقة في موسم الصيف

 

بما إن ده موسم الصيف والساحل والبحر، قررت أكتبلكم شوية أفكار تساعدنا نستغل الوقت ده بأحسن طريقة.

فيه مهارات مهمة أوي في حياة أولادنا وده أنسب وقت نعلمهم وندربهم عليها. كل واحدة أهم من التانية لكن اختاري مهارتين منهم بس اللي تقدري إنت وطفلك عليها حسب شخصيتكم وظروفكم:

١. توضيب الشنطة: ممكن يكون شئ بسيط زي تكتبوا قايمة مع بعض بالحاجات اللي طفلك محتاجها في السفر والقائمة دي تكون
Checklist
يعلم على اللي اتحط في الشنطة ولما تيجوا راجعين، يعلم على اللي اتلم ورجع الشنطة.

٢. المايوه المبلول على الأرض من أكتر الحاجات الشائعة في كل بيت.. اعمليها قاعدة إن المايوه يتقلع ويتحط على المنشر ودي مسؤلية كل واحد ومعلش فكريهم وهما داخلين الحمام ولما يخرجوا…افتكري إن ده تدريب على حاجة مش من اهتماماتهم خالص فمش سهل يفتكروه.

٣. توضيب أو لم السفرة بعد الأكل حتى ولو مجرد يشيلوا طبقهم في المطبخ أو الحوض أو غسالة الأطباق.

٤. اللي يشرب عصيرأو ياكل شيبسي أو أي حاجة لما تفضى محتاجة تترمي، تترمي في السلة فورا…ومعلش وفريلهم سلة في كل ركن في البيت أو حتى كيس زبالة لو قاعده في مكان مفيهوش عدد كافي من السلال 

٥. مفيش أكل في أوضة النوم لو ده بيضايقك، لو ده بيتماشى مع نظامك يبقى خلاص طنشي.
دي مجرد أمثلة لحاجات كتيرة ممكن نعملها عشان نوفر مجهودنا والضغط اللي علينا وكمان نعلمهم المسؤلية والاعتماد على النفس….
لو عندكم اقتراحات تانية اكتبوهالي في التعليق تحت.

 

أفكار تخلى بيها ولادك يقضوا وقت ظريف على البحر

كتير مننا بيشتكي إن ولاده قاعدين قدام شاشات طول الوقت وبالعافية بنزقهم يروحوا البحر… أولا لازم نحط نفسنا مكانهم شوية يعني لسة مخلصين دراسة ورمضان بلخبطة مواعيده وعايزين يقعدوا براحتهم شوية من غير أوامر مفروضة عليهم ومن غير مايعملوا أي مجهود (زيينا بالظبط على فكرة)
طيب يعني نسيبهم؟ لا طبعا بس نقدر ونفهم إنهم مش عاملين كده غلاسة وخلاص..
طيب نعمل إيه؟
انتي إيه اللي ممكن يشجعك ويقومك؟
وجود اصحاب هتقابليهم هناك؟
برنامج او خطة معينة حطاها في بالك هتعمليها هناك حتى ولو كان كتاب؟
هتعومي مع حد؟

فكري إيه اللي ممكن يشجع ولادك يكونوا على البحر ودي مجرد اقتراحات وياريت تشاركوني أفكاركم واقتراحاتكم في التعليقات:

١. اتفقي تقابلي اصحاب له هناك (ناس هو بيحبهم مش ولاد أصحابك اللي بيغلسوا عليه

٢. اتفقوا على لعبة أو مسابقة أو
challenge
هتلعبوها مع بعض كل يوم، ممكن تكون نحفر حفرة بحجم معين أو نبني
Sand castle
أو نستعمل عوامة جديدة أو كل يوم نطلع
Design
جديد من الانترنت لشكل ممكن نعمله في الرمل ونروح ننفذه أو نجمع قواقع ونعمل بيها أشكال نصممها زي فازة أو سلسلة الخ

٣. ناخد كتاب يقراه عن حاجة بيحبها يعني مثلا لو بيحب الطيارات أو حتى لعبة
Clash royal
نجيبله كتاب عن مجال اهتمامه ونديهوله يقراه ولو لمدة ١٠ دقايق…
وبلاش معلش فكرة ماإحنا كنا بنتنقع في الشمس وإحنا صغيرين على الشط وبنسلي نفسنا وأهلنا ولا هنا أصلا لأننا كان آخرنا الأتاري وال
Game boy
اللي بعد شوية كنا بنزهق منهم… حياتنا غير حياتهم خالص وعالمهم مليان حاجات تغذي ميولهم للقعاد على كرسي من غير بذل أي مجهود ومتسليين
٢٤/٧.

Facebook Comments

نهى أبو ستة

Noha is a certified Health Coach by Dr. Sears Wellness Institute, a certified Positive Discipline Parent Educator and a passionate mother of two. Through her blog, she hopes to empower families and parents to lead a healthy, happy and well balanced life inside out.

إغلاق
إغلاق