التربيةالسنوات الأولىالطفل العنيدبعد الخمس سنواتسنوات المراهقةقيم وعلاقات أسرية

أولادنا لازم ياخدوا حقهم من الحب والاهتمام

 

kidsneedourlove

أولادنا لازم ياخدوا حقهم من الحب والاهتمام

للأمهات والآباء المشغولين على طول، وإللى ما بيشوفوش أولادهم إلا فى الأجازة أو فى آخر الليل، باقول “كل الناس الناجحين فى شغلهم؛ بينجحوا عشان بيحسبوها صح. أكيد بيعرفوا كل حاجة بتساوى كام، ثمنها إيه. ولو نجحوا يبقى أكيد ما دفعوش فى حاجة أكتر من تمنها. ولو عايزين تعرفوا انتوا آباء وأمهات ناجحين ولا لأ؛ إحسبوها!!! الوقت إللى بتقضوه بعيد عن أولادكم هتكسبوا من وراه حاجة أهم من علاقتكم بأولادكم؟”….. إنتوا قرروا.

سواء كنا مشغولين أو متفرغين، مستعجلين أو عندنا وقت، سعداء أو زعلانين، مرتاحين أو تعبانين. أولادنا لازم ياخدوا حقهم من الحب والاهتمام. لازم ياخدوا “إللى يكفيهم” من وقتنا. مش الوقت إللى نقدر نستغنى عنه، ده بقى حقهم من أول ما اتولدوا. زى ما احنا أهلهم طول الوقت، وهنطلب منهم يحترمونا مهما حصل ولحد آخر العمر؛ هم كمان أولادنا طول الوقت، مش بس لما نفضى، أو بعد ما نحقق طموحاتنا وأحلامنا.

قد إيه بيكون سهل علينا نستحملهم وهم صغيرين. بنستحمل قلة النوم، والتعب، والحبسه فى البيت. عشان صغيرين وأبرياء. لما يبصولنا نفرح، ولما يضحكولنا نتجنن، وأول ما يتكلموا تبقى الدنيا مش سايعانا. وأول ما يبدأوا يتشاقوا ويلعبوا ويسألوا. ويبدأوا يعارضونا، نفقد صبرنا ونتحول لنوع مختلف من الأمهات والآباء. وكإننا جبناهم عشان يسعدونا وبس. بينما لو رجعنا لورا شوية…هنفتكر الكلام الكبير إللى كنا بنقوله عن تربية شخصيات قيادية ومستقلة وواثقة ومعتمده على نفسها. ساعات لما التحديات بيتبدأ، بننسى أحلامنا وبنركز على إننا نكسب فى كل تحدى. عشان كده ضروري دايما نفكر نفسنا “هو احنا جبنا أطفال ليه؟”

Facebook Comments

منال رستم

منال رستم هي مدربة الانضباط الإيجابي المعتمدة ومعلمة منتسوري معتمدة للأعمار من 2.5 إلى 6 سنوات. لديها أكثر من 5 سنوات من الخبرة في تقديم المشورة للآباء فيما يتعلق بقضايا الأبوة والأمومة. تعمل في الغالب مع جمهور ناطق باللغة العربية وجهًا لوجه

زر الذهاب إلى الأعلى