أغنية “لسة جميلة” لدعم مرض سرطان الثدي

 

أغنية لسة جميلة

أول أغنية في الشرق الأوسط عن قصة واقعية لمكافحة و دعم مرض سرطان الثدي 


لسة جميلة
أنت لسة جميلة لسة…لسة عايشة ولسة حاسة
كل حاجة حلوة فيكي…ولا فيكي حاجة ناقصة
وسط تعبك وسط ألمك
لسة عايش برضه حلمك
بصي تاني في المرايا
شوفي نفسك أحلي أنثي
ما أنت لسة جميلة لسة…لسة عايشة ولسة حاسة
كل حاجة حلوة فيكي…ولا فيكي حاجة ناقصة
****
فاكرة أول ما اكتشفتي…قد ايه ساعتها خوفتي
شوفتي باب الدنيا ضيق…وانت م الحزن اتخطفتي
كنتي حاسة ان انت ضعتي…بس لما ف يوم سمعتي
أمنتي ان النور هيجي….حتي لو فترة اتوجعتي
ما أنت لسة جميلة لسة…لسة عايشة ولسة حاسة
كل حاجة حلوة فيكي…ولا فيكي حاجة ناقصة
*****
الحياة بتاخد وتدي…والطريق مليان تحدي
واللي كان ف اليوم ده اسود..بكرة ممكن يبقي وردي
عمرنا ماشي بمراحل..حلم جاي وحلم راحل
وأما موج الحزن يعلي..الشط هيبان بالتفاؤل
ما أنت لسة جميلة لسة…لسة عايشة ولسة حاسة
كل حاجة حلوة فيكي…ولا فيكي حاجة ناقصة
****
لما يوم بيتوه فرحنا…والحياة تكسر جناحنا
كون معاها وخد بأيدها…كون سندها ف اي محنة
ما أنت لسة جميلة لسة…لسة عايشة ولسة حاسة
كل حاجة حلوة فيكي…ولا فيكي حاجة ناقصة

Facebook Comments

Video Info

القسم :
Expert :

 

أول أغنية في الشرق الأوسط عن قصة واقعية لمكافحة و دعم مرض سرطان الثدي.

زر الذهاب إلى الأعلى