هل يمكن للمرأة الحامل تناول اللحم الضانى؟

 

هل يمكن للمرأة الحامل تناول اللحم الضانى؟


هل يمكن للمرأة الحامل تناول اللحم الضانى؟


سؤال بنسمع كتير من سيدات حوامل

نعم وألف نعم يمكن للمرأة الحامل تناول اللحم الضاني والإستمتاع بطعمه وكمان فوايده الكتيرة زى إنه مصدر غني جدا بالبروتين بيساعد على نمو البيبي وكمان مصدر غني بالحديد وخصوصا إن الحديد بتاع اللحم الضانى يمتص بسرعة في الجسم بالإضافة لكونه مصدر غنى بالزنك بيعمل على نمو الجهاز المناعة لطفلك وأخيرا وليس بأخر فهو مصدر لفيتامين ب12 اللي بيحافظ على صحة وسلامة جهازك المناعي وبيحميكى من الأنيميا.


طيب هل أكل اللحم الضانى له مخاطر؟

ممكن لو أكلناه بكمية كبيرة يسبب ارتفاع ضغط الدم ودا لأنه غني بالكوليسترول والصوديوم وفيه كمان مادة الهستامين اللي بتسبب الحساسية لكتير من الأمهات.


:عشان كدا د.هناء أبو القاسم استشاري النساء والتوليد بتقدملك النصايح دي


كلي واستمتعي وشاركي عيلتك في العيد بس اوعي تفتري-


اللحمة لازم تكون مستوية كويس أوي-

اشربي مية كتير وعليها عصير نصف ليمونة –

خلي دايما طبقك يكون ربعه بروتين “اللحم أو الكبدة” والربع التانى نشويات”الأرز والفتة” ونص الطبق من السلطة أو الخضروات-


بكده نكون أكلنا لحوم فى العيد بكميات معتدلة ومناسبة.


ينصح خبراء التغذية العلاجية بتناول “تفاحة” أو ما يعادل فنجان القهوة من “الجبنة القريش” قبل الأكل بساعة لأن الأطعمة دى بتفرز مادة تساعد الجسم على حرق الدهون فهتساعدنا على الاحتفاظ بالوزن زى ما هو بدون زيادة .

كل سنة وإنت طيبة وعيد سعيد