ميلك تشيك التمر

 

ميلك تشيك التمر


ميلك تشيك التمر


أوقات كتير مش بنبقي عايزين نتسحر أكل دسم وفي نفس الوقت السحور سنة عن الرسول عليه الصلاة والسلام وكمان له فوايد كتيرة على صحتنا وعدم إحساسنا بالعطش بسهولة.. وصفة النهاردة جديدة وبسيطة وأعتقد هتعجب أطفالنا اللي بيصوموا أو مرضى السكر اللي محتاجين نسبة بسيطة من سكر طبيعي مصدره فاكهة..

ميلك تشيك التمر:

تمر

لبن

زبادي

كريم شانتيه بودرة

كيس فانيليا


* دي مكونات المشروب الأساسية بدون مقدار معين لاني سيبتها حسب ذوق كل شخص يعني تقدري تحطي اللبن أكتر من الزبادي والعكس صحيح.،الكريم شانتيه بودرة ممكن مجرد معلقة صغيرة أو نص الكيس زي ما تفضلى، بس طبعا الكريم شانتيه فيه نسبة سكر علشان كده مانصحش بيه لمريض السكر وطبعا حسب حالته الصحية..

الطريقة :


ننزع النواة من التمر وننقعه في ميه فاترة أو دافية علشان نسهل ضربه فى الخلاط .. نحط كل المكونات فى الخلاط بميه النقع لأن فيها نسبة سكر وطعم إحنا محتاجينهم.. ونقدمه بارد


بالهنا والشفا