مفيش حاجة اسمها ميزانية رمضان

 

مفيش حاجة اسمها ميزانية رمضان


مفيش حاجة اسمها ميزانية رمضان


رمضان شهر زى أى شهر في السنة وخزين البيت فيه مفروض يكون ثابت زى أي خزين شهرى لأن انتم نفس الأسرة اللى بتاكل نفس الأكل ده حتى في رمضان لو تركزوا هتلاقوا إنكم بتاكلوا أقل.

العزومات دى موضوع تانى وميزانية لوحدها برضو في رمضان أو غير رمضان لأن في العزومة بنحسب عدد الأفراد واحتياجاتنا ونشترى طلبات العزومة لوحدها.

رمضان ممكن ييجى نصف الشهر الميلادى مثلا وده ممكن يكون بعيد عن يوم قبض المرتب وبالتالى أنت مفروض بتشترى طلبات البيت والخزين الشهرى حسب جدولك الخاص والمرتبط بيوم القبض غالبا وحسب الخزين اللى عندك بيخلص امتى.


في رمضان يمكن تحبى تشترى شوية حاجات زيادة وغير تقليدية يعنى مش بتجيبيها في الشهور العادية وده اللى يمكن بيحتاج مبلغ زيادة أو مبلغ دخيل على مصروف البيت الطبيعى وده بيرجع لرغبات واحتياجات كل أسرة يعنى مش ضرورى الناس كلها تشترى نفس الأنواع.


السكر والزيت والرز وغيرهم دول طبيعى جايين ونشتريهم في أول الشهر أو نص الشهر مش حتفرق ده حسب خطتك المنزلية العادية يعنى المفروض ميزانية الشهر ماشية طبيعى وتضيفى ليها قايمة احتياجات خاصة لرمضان واحسبى تكلفتها كام وقررى واشترى وكل سنة وانتم طيبين.