مأساة الطفلة دانية ومسلسل نزيف الدماء على الأسفلت

 

مأساة الطفلة دانية ومسلسل نزيف الدماء على الأسفلت



 


مأساة الطفلة دانية ومسلسل نزيف الدماء على الأسفلت


 


بالتأكيد سمعتم بمأساة الطفلة دانية محمد عبد الرحمن اللى عمرها ٧ سنين واللى ماتت في حادثة بشعة على الطريق الدائري اتسبب فيها سواق عربية نقل دهسها هى ومامتها واختها التوأم وهو بيجرى بجنون على الطريق وماشى من غير رخص وكمان بعد تحليل الدم لقوه متعاطى ٤ انواع من المخدرات!


صرخات رباب المليجى والدة الطفلة دانية اللى كانت معاها فى الحادثة وشافت موت بنتها قدام عينيها وجعت قلب كل أب وأم سمعوا عن الحادثة وتابعوا كلامها من خلال حسابها على الفيس بوك فى محاولة منها انها تجيب حق بنتها وتحول الموضوع من مصيبة شخصية لقضية رأى عام


“مش بتغيبي عن بالي لحظة واحدة يا عمري يا قلبي يا حتة مني…الوجع مش بيقل بيزيد….. والله يا حبيبتي حنحت في الصخر عشان خاطر انا وعدتك مش حسيب اي ملايكة في سنك يتأذوا تاني…..نفسي احط صورك في كل الشوارع يمكن الضمير يصحى…. يمكن لما يشوفوا البراءة دي قلبهم يوجعهم زي ما هو واجعني عليكي كدة….يمكن يفهموا يا عمري ان الخطر قريب ….. وحياة أغلى حاجة عندكوا اوعوا تزهقوا….اوعوا تيأسوا…..هي شايفاكوا من السما وبتأمنكوا متسيبونيش في وسط الطريق….لسة اللي جاي كتير والمشوار طويل….محتاجة مساندتكوا اوي…..حسبي الله ونعم الوكيل”


دا كان جزء من وجع “رباب المليجى” اللى عبرت عنه فى صورة كلام كتبته وخطوات أخدتها علشان حق بنتها مايضيعش وعشان المأساة دى ماتتكررش.


كمان والد “دانية” دكتور “محمد عبد الرحمن” وجه رسالة للرئيس عبد الفتاح السيسي عبر حسابه على الفيس بوك بيقول فيها


السيد عبد الفتاح السيسي / رئيس جمهورية مصر العربية”

فقدت بنتي دانية قرة عيني في حادث علي الطريق الدائري منذ أسبوع بسبب رعونة وطيش و جهل سائقي التريلات.

أعلم حجم المسؤلية الجسيمة التي تقع على عاتقكم لكن تعبنا من مناشدة حكومتنا لأداء دورها في تأمين الطرق بلا رد كأننا لسنا من أهل هذه البلد لذلك لا يوجد أمامي طريق آخر غير اللجوء إليك بعد الله عز و جل أملا في أن تحركهم لأداء دورهم في تأمين الطرق السريعة علشان محدش يموت تاني. يارب توصلك رسالتي واعلم انها إن وصلتك فسيكون لكم رد الفعل اللى متوقعينة من حضرتك”


والد ووالدة “دانية” رفعوا قضية واتحدد معاد للنطق بالحكم فيها يوم ٤ سبتمبر وكتبت “رباب” على صفحتها


“النطق بالحكم على السواق يوم ٩/٤ …. ورحمة الملاك دة كله يكثف الدعاء بإنه ياخد اقصى عقوبة وربنا يزلزل الأرض من تحت رجله….بكل لحظة الم يا دانية بعيشها بدعي من قلبي…ربنا يمنع الأذى عن الملايكة اللي زيك…. انا عارفة انك معايا وفخورة بأمك…وانا مش حخذلك يا عمري انا ….وحشتيني”


“رباب” كمان كان عندها طلب عبرت عنها بأنها كتبت


“والله عندي حلم كمان بس يمكن صعب شوية….نفسي أي مخرج اعلانات يتعاون معايا….نفسي اي فنان يتعاون معايا….نفسي اعمل اعلان في التليفزيون زي اعلانات لا للارهاب ولا للمخدرات ويكون عنوانها لا لعدم تنفيذ القانون…لا لسير النقل في اوقات الذروة….لا لدهس ولادنا على الطريق…..هو حلم بس ممكن يتحقق؟”


مأساة الطفلة دانية ومسلسل نزيف الدماء على الأسفلتمأساة الطفلة دانية ومسلسل نزيف الدماء على الأسفلت


تعرفوا إن فيه اكتر من ١٤٠٠٠ حادث بيحصلوا على الطرق عندنا سنويا بينتج عنها عدد هائل من القتلى وعدد لا يحصي من المصابين اللى كتير منهم من بيكملوا حياتهم بإعاقة دائمة؟


أهل “دانية” ليهم طلبات محددة هى:


١- إلزام النقل بمواعيد السير المحددة من ١١ مساء إلى صباحا.

٢- رجوع الدورية الراكبة المنوط بيها تأمين الطرق وردع المخالفين.

٣- الكشف المستمر على رخص القيادة ورخص السيارات النقل.

٤- الكشف الطبي على السائقين المخالفين للتأكد من تعاطية ممنوعات مثل المخدرات والترامادول.

٥- إعادة النظر في تغليظ العقوبة على من يتسبب في قتل وإضافة مدد إضافية لكل مخالفة أخرى مثل الهروب بعد الحادث وتعاطي الممنوعات وإنتهاء رخصة السيارة وإنتهاء رخصة القيادة أو إذا كان مصرح له أصلا بقيادة سيارات النقل.


مأساة الطفلة دانية ومسلسل نزيف الدماء على الأسفلت


الموضوع مش محتاج أكتر من إرادة حقيقية وقرار جرئ من الدولة علشان نوقف مسلسل نزيف الدماء على الطريق.

أعتقد ان أقل حاجة ممكن نقدمها كأمهات لوالدة “دانية” اننا ندعمها ونقف جنبها فى رحلتها ونتابع تطورات القضية من خلال صفحة “حق دانية مش هيضيع” وكمان من خلال حسابها وحساب زوجها على الفيس بوك وندعيلهم ربنا يصبر قلوبهم ويقويهم وان شاء الله يرجعوا حق بنتهم.


 


موجز التقرير العالمي عـن حــالــة السـلامـــــة على الطــرق – منظمة الصحة العالمية