كل أم بتغلط: إعلان هادف من المراعي لدعم الأمهات

 

كل أم بتغلط: إعلان هادف من المراعي لدعم الأمهات


 


شركة المراعى عملت فيديو بيقدم رسالة مهمة بتلمس إحساس كل أم وإحنا شخصيا حبيناه جدا وعلشان كده قررنا نتكلم عنه.



الأمومة رحلة مش سهلة ومليانة بالمواقف المفاجئة والتحديات ودى يمكن أكتر حاجة ممكن تكون بتخوف الأمهات.


الأم فى الأول وفى الآخر هى إنسان زى أى إنسان يعنى مش دايما على حق وأوقات كتير وارد تغلط.


ده بيحصل لأن عنصر الخبرة مابيجيش من فراغ وبيبقى نتيجة لمحاولات كتيرة بعضها صح وبعضها غلط.


ودى حقيقة لا تنتقص من قدر الأمهات إطلاقا بل على العكس تماما دى بتزود من قيمة المجهود اللى الأم بتبذله لأنها لما بتغلط إحساسها الفطرى بيخليها تحاول تانى وتالت وتجرب وتدور وتتعب وتسأل علشان تتعلم وتعرف إيه هو الصح.


الغلط دايما هو اللى بيخلينا فى نهاية المطاف أمهات أشطر وواثقين أكتر من اختياراتنا اللى اختارناها بعد تجارب ومحاولات كتيرة


 


رسالة لكل أم:

حاولى، وجربى، واغلطى، واتعلمى، ومتخافيش مسيرك هتوصلى للصح

وصدقينا فى الآخر لما هتوصلى هتبقى سعيدة وفخورة بنجاحك.


تحية من القلب لكل أم لأنها تستحق التحية فعلا على كل محاولة ناجحة عملتها وتستحق التحية أكتر وأكتر على كل غلطة بدون قصد غلطتها لكنها ساهمت فى تكوين خبراتها.


وطبعا نحب نوجه جزيل الشركة لشركة المراعى على تقديمها للفيديو الهادف ده ونتمنى إننا فى الفترة اللى جاية نشوف المزيد من الشركات بتقدم فيديوهات بتحمل رسايل إيجابية داعمة للمرأة بصفة عامة وللأمهات بصفة خاصة.


#خبرتي_علمتني