كفتة السمك

 

كفتة السمك


كفتة السمك


برعاية: ريتش بيك


من الأكلات المغذية جدا واللى ممكن ننساها علشان وصفاتها تقليدية ومعظم الأطفال مش بيحبوها هى السمك ..


من الضرورى نأكل أطفالنا أسماك أو أى منتجات بحرية أخرى على الأقل مرتين فى الأسبوع ..

علشان نساعدهم يحبوا السمك.. النهاردة هقولكم على وصفة سمك لذيذة جدا وشكلها لذيذ هى أصابع السمك أو كفتة السمك.

 


المقادير: 

١/٢ كيلو سمك فيليه قشر بياض

١ بطاطس صغيرة مسلوقة

١ ملعقة نشا

شبت

٢ بيضة

دقيق

بقسماط (ممكن تجربى تستخدمى بقسماط ريتش بيك)

ملح وفلفل وبهارات سمك وكمون

زيت عباد الشمس للتحمير

 


الطريقة: 

تفرم كل المقادير بالكبة وتتبل ويضاف عليها بقسماط حتى يغيير قوامها وتستطيعين تشكيلها.. يمكنكى تشكيلها فى صورة أصابع أو كرات أو دوائر كشكل البرجر .. توضع أصابع السمك فى الدقيق ثم البيض ثم البقسماط ثم تحمر ..

ملحوظة: كل من الدقيق والبيض والبقسماط يأخد رشة ملح وفلفل وبهارات.

ويمكن تسويتها بالفرن أيضا ولكن يأخد البقسماط ملعقة زيت كبيرة وتفرك ليصبح شكلها مثل الرملة المبلولة وترص على صينية عليها ورق زبدة.


بالهنا والشفا .