سلطة بابا غنوج

 

سلطة بابا غنوج


سلطة بابا غنوج


لو عندك عزومة هتبقى فكرة ظريفة لو تنوعي سفرتك بأصناف سلطات كتيرة، من السلطات المفضلة عند معظم الناس سلطة البابا غنوج وهي أيضاً غنية بالعناصر الغذائية المفيدة زى الحديد ومضادات أكسدة عالية موجودة بالبتنجان.. النهاردة هنقدمها بطريقة سهلة على أي ربة منزل وهتطلع زي اللي بناكلها من المطاعم بالظبط.

بابا غنوج:

1 ثمرة بتنجان مشوي

1 بصلة صغيرة مشوية

2 فص توم

2 معلقة كبيرة خل

3 معالق كبار طحينة

عصير ليمونة

ملح وفلفل وكمون


الطريقة :

نقطع البتنجان من النص بالسكينة بحيث مانوصلش للأخر أو نعمل شقوق فيها بحيث تساعدها على الشوي من جوه

نشوى البتنجان على شبكة الفرن أو على البوتاجاز أو على شواية ومعاه بصلة صغيرة… هنتأكد انها استوت لما نحط الشوكة فى قلبها وتتحط بسهولة.. نستنى لما تبرد ونقشر الجزء الأسود ونتخلص منه، بعد كده نهرسها بالشوكة أو في الكبة مع باقي المكونات.. ونحط على الوش رشة زيت زيتون..


بالهنا والشفا سلطة بابا غنوج