جراتان البروكلي بالفراخ

 
جراتان البروكلي بالفراخ

 



 


 جراتان البروكلي بالفراخ



 هنعمل وصفة صحية جدا وغير تقليدية بالبروكلي والخرشوف لأن البروكلي مليان بالألياف ومضاد أكسدة قوي جداً وبيساعد في الوقاية من سرطان الثدي والبروستاتا والكبد وعنق الرحم. والخصائص دى مش موجودة فى البروكلى وبس، ولكن أيضاً موجودة في باقي الخضروات الصليبية  زى الكرنب  والقرنبيط واللفت والبنجر..

وصفتنا النهاردة (جراتان البروكلي بالفراخ)

 

المقادير :

 

1 كيلو بروكلي مسلوق عالبخار

1 صدر فرخة مسلوق

2 كوب بشاميل لايت

خرشوف أو مشروم

ملعقة زيت زيتون

1بصلة مفرومة ناعم

جبنة موتزاريلا

ملح و فلفل

 

الطريقة :


أولاً سلقنا البروكلي لمدة 7 دقائق بس ونسيبه على جنب لحد ما نحضر البشاميل الدايت اللى بيبقى عبارة عن 2 ملعقة كبيرة دقيق وممكن الدقيق يكون أسمر على كوب لبن خالي الدسم ويتقلب عالبارد مع رشة الملح والفلفل لحد ما القوام يبقى سميك..

صدر الفرخة هنشوحه في البصلة وملعقة زيت الزيتون ونبتدي. بقي نجمع الوصفة .  هنحط في قاع الصينية شوية بشاميل وبعدين بروكلي وشوية فراخ وشوية بشاميل تاني (يعنى هنعمل راقات) لحد ماتخلص الكمية وهنا الخرشوف أو المشروم اختياري يتقطع ويتحط مع الفراخ أوفى وسط البروكلي.. فالنهاية هنحط طبقة بشاميل وعليها رشة جبن موتزاريلا أو أي نوع علشان يحمر وشها وتبقى حلوة. تدخل فرن سخن على 180 لمدة. 30 دقيقة ونشغل الشواية دقايق.. ونقدمها سخنة ..

ألف هنا وشفا.. أتمنى كل الصحة والعافية ليكم جميعا ️